დიდიე დროგბა ამბობს, რომ ასეთი ნირწამხდარი „ჩელსი“ არასდროს უნახავს. კვირას ინგლისის ჩემპიონს, მოგეხსენებათ, „სტემფორდ ბრიჯზე“ „ლივერპულმა“ 1:0 მოუგო და ტიტულის ხელახლა მოპოვების შანსი ფაქტობრივად წაართვა, რის მერეც „ლურჯების“ ბანაკში, თურმე, დანა პირს არავის უხსნის. სპილოს ძვლის ნაპირთა ნაკრების ფორვარდი ამბობს, რომ კენი დალგლიშის გუნდმა მათ ფეხები მოკვეთა და დაბლა დაანარცხა. დროგბას თქმით „ჩელსიში“ ვერა და ვერ შეგუებიან აზრს, რომ ისინი მთავარი ფავორიტები კი არა, დაწინაურებულ გუნდთაგან ერთ-ერთი არიან და მეტი არაფერი.
დროგბამ თქვა: „დღევანდელი რთული პერიოდის გადალახვა ძალიან მიჭირს და
„ლივერპულთან“ წაგების შემდეგ „ჩელსი“ ლიდერ „მანჩესტერ იუნაიტედს“ 10 ქულით ჩამორჩება. პრემიერლიგის მოყვარულებმა იციან, რომ ბოლო პერიოდში „ლურჯებმა“ კრიზისი, თითქოს, დაძლიეს, მაგრამ დროგბას თქმით სწორედ ამ „თითქოს დაძლეული კრიზისის“ შემდგომ წაგებას აღმოაჩნდა განსაკუთრებით მწარე გემო. თავდამსხმელი განაგრძობს:
„ჩვენ წინა სამი თამაში მოვიგეთ. დავამარცხეთ „ბლექბერნი“, „ბოლტონი“ და „სანდერლენდი“, რის გამოც ვფიქრობდით, რომ გვირაბის ბოლოს სინათლეს ვხედავდით, მაგრამ, „ლივერპულთან“ წაგებამ ფეხები მოგვკვეთა და ჩემპიონობის შანსი ფაქტობრივად მოგვისპო. ამიერიდან, „მანჩესტერ იუნაიტედის“ დაწევა თითქმის შეუძლებელია.“
რასაკვირველია, ჟურნალისტებმა დროგბას ახალი თანაგუნდელის, ფერნანდო ტორესის შესახებაც ჰკითხეს. როგორც გაირკვა კოტ დ’ივუარელი ვარსკვლავი მისი და ესპანელის პარტნიორობას ოპტიმისტურად უყურებს:
„ფერნანდო ძალიან ნიჭიერი ფეხბურთელია და ჩვენს გუნდს უეჭველად დიდ ძალას შემატებს. რაც შეეხება მის პირველ თამაშს... ყოფილი თანაგუნდელების წინააღმდეგ ბრძოლა ტორესისთვის ემოციურად მძიმე იყო და ამან დაღი დაასვა. მეორე მხრივ, მისი „ჩელსიში“ გამოჩენა იმას ნიშნავს, რომ თავდასხმაში დიდი კონკურენცია გვექნება და ეს გუნდს ძალიან წაადგება. ბოლო წლებში სწორედ ფეხბურთელებს შორის კონკურენცია დაგვეხმარა ამდენი ტიტულის მოგებაში.“
.
