"მანჩესტერ იუნაიტედს" შესაძლოა, ვიქტორ ლინდელოფის ყიდვა იმაზე ძვირად მოუხდეს, ვიდრე თავიდან ეგონა. საქმე ის არის, რომ გამორიცხული არ არის, შვედმა ლისაბონის "ბენფიკასთან" საჩქაროდ გააფორმოს ახალი კონტრაქტი, რაც მის გამოსასყიდ თანხას გაზრდის და 50 მილიონ ფუნტად აქცევს. ასე რომ, "წითელი ეშმაკები", როგორც ჩანს, მთლად ბოლომდეც არ შეთანხმებიან "არწივებს". აქამდე 22 წლის მოთამაშე 42 მილიონ ფუნტად ფასდებოდა. ძნელი სათქმელია გაბრაზებულზე და ცხელ გულზე თუ გააზრებულსა და ცივ გონებაზე, მაგრამ ფაქტია, რომ მოგვიანებით "მანჩესტერმა" განაცხადა, რომ ლინდელოფით დაინტერესებული აღარ არის.
პარალელურად, ჟოზე მოურინიოს
ზაფხულში კი "მანჩესტერი" "არწივების" უკანახაზელს, 23 წლის ნელსონ სემედოს დაიმატებს. გარდა ამისა, მანჩესტერელები ანტუან გრიზმანს არ ივიწყებენ და მადრიდის "ატლეტიკოდან" ფრანგის დამატება სურთ. ესეც ზაფხულის ამბავი უნდა იყოს, ისევე, როგორც "მონაკოდან" 22 წლის ტემუე ბაკაიოკოს გადაყვანა.
გრიზმანის გამოსყიდვა 84 მილიონი ფუნტი დაჯდება, მაგრამ "მანჩესტერის" უფროსობას იმედი აქვს, რომ "პატარა პრინცის" ხელში ჩაგდება უფრო იაფად იქნება შესაძლებელი. სემედოს შეძენა 25 მილიონად იქნება შესაძლებელი, ხოლო ბაკაიოკოსი - 35 მილიონად.
ყოველდღიური სპორტული გაზეთი "ლელო"
