“პარმამ” კვირას შინ “ბარისთან” 1:2-ზე წაგებული მატჩის შემდეგ თანამდებობიდან გაათავისუფლა პასკუალე მარინო და მის ადგილას გუშინ საღამოს ფრანკო კოლომბა დანიშნა. ემილიელებმა ახალ თავკაცთან კონტრაქტი ჯერჯერობით სეზონის დასრულებამდე გააფორმეს. კლუბმა შუადღეზე მისი წარდგენა მოაწყო ჟურნალისტთა წინაშე. კოლომბამ გუნდს გუშინ უკვე უხელმძღვანელა პირველ ვარჯიშზე. აი, რა განაცხადა ახალმა თავკაცმა პირველივე პრესკონფერენციაზე: “ჩვენ წინაშე ამწუთას ერთადერთი ამოცანა დგას, შევინარჩუნოთ ადგილი იტალიის საფეხბურთო ელიტაში. შეუძლებელია არ აღინიშნოს, რომ “პარმა” სერიოზული კლუბია, რომელიც კვალიფიციური ფეხბურთელებით არის დაკომპლექტებული. ამის მიუხედავად, გუნდი ამჟამად რთულ ვითარებაშია. ჩემთვის პატივი კოლომბას საკმაოდ რთული დებიუტი ელის, “ლაციოსთან” “სტადიო ოლიმპიკოზე”. წინა სეზონში სწორედ მან დატოვა “ბოლონია” სერია ა-ში, თუმცა ამის მიუხედავად ის მაინც გაუშვეს თანამდებობიდან.
