იტალიის ნაკრების თავდამსხმელმა მარიო ბალოტელიმ და გუნდის გოლკიპერმა ჯანლუიჯი ბუფონმა ფლორენციაში სოლიჩიანოს ციხის პატიმრები მოინახულეს.ფეხბურთელები პატიმრებს შეხვდნენ და მათ კითხვებს უპასუხეს. ციხეში ვიზიტის შემდეგ იტალიის ნაკრების წევრებმა თავის შთაბეჭდილებებზე ისაუბრეს.
"ეს ბიჭები არ ნებდებიან. მათ ცხოვრებაში კიდევ ერთი შანსი მიეცემათ", - განაცხადა ბალოტელიმ.
"როცა ციხიდან გამოდიხარ, ხვდები, რა პასუხისმგებლობა გაქვს საკუთარი ცხოვრების მიმართ და ბოლომდე აფასებ მას", - განაცხადა ბუფონმა.
მომზადებულია La Gazzetta dello Sport-ის მიხედვით
