"ნაპოლის" მთავარმა მწვრთნელმა ვალტერ მაცარიმ "მილანთან" 3:1 გამარჯვების შემდეგ განაცხადა, რომ თავისი შეგირდების თამაშის ხარისხით უკმაყოფილოა."მატჩი ცუდად დავიწყეთ, თუ ტოპ-კლუბების წინააღმდეგ თამაშს ასე გავაგრძელებთ, საქმე ცუდად წაგვივა. აუცილებლად უნდა მოვუმატოთ. რამდენიმე ნამდვილად კარგი მომენტი გვქონდა, მაგრამ დამაგვირგვინებელ სტადიაში ვცოდავდით და ბურთს ცუდად ვაკონტროლებდით.
სიმართლე გითხრათ, მთლიანობაში თამაში არ მომეწონა. დასაწყისში მეტოქეს ვუფრთხოდით და ზედმეტად ვნერვიულობდით. შესაძლოა, ყოველ მესამე დღეს თამაშს ჯერ კიდევ ვერ შევეჩვიეთ. "მანჩესტერ სიტისთან" მატჩშიც მსგავს სირთულებს წავაწყდით.
თუ განსაზღვრულ დონეზე თამაში გვსურს, ხასიათი უნდა განვიმტკიცოთ. პრესა
მომზადებულია Football Italia-ს მიხედვით
