"რომას" ნახევარმცველმა დანიელე დე როსიმ "ლაციოსთან" სერია A-ს მეშვიდე ტურის მატჩის წინ განაცხადა, რომ მისთვის რომაული დერბი ყოველთვის უმნიშვნელოვანესი მატჩი იყო. იტალიის ნაკრების ფეხბურთელმა საკვირაო მატჩისთვის სრული მზადყოფნა გამოთქვა."ეს შეხვედრა ჩემთვის ძალიან ბევრს ნიშნავს. საბედნიეროდ. ბოლო დროს დერბიში მხოლოდ ჩვენ ვიმარჯვებთ. ადრე "ლაციოსთან მატჩების წინ ძალიან ვღელავდი, რაც ჩემს თამაშზეც აისახებოდა. ახლა მშვიდად ვარ და ჩემი გუნდის ძალაში დარწმუნებული ვარ, მიუხედავად იმისა იქნება ტოტი მოედანზე თუ არა", - განაცხადა დე როსიმ.
მომზადებულია AP-ის მიხედვით
