"ლაციოს" მთავარი მწვრთნელი ედუარდო რეია შიშობს, რომ მისი გუნდი შესაძლოა ჩემპიონთა ლიგაში ვერ მოხვდეს."პირველ ოც წუთში ორი გოლის გაშვება არ შეიძლება, თუკი რაიმე სერიოზულზე გაქვს პრეტენზია. ვერაფერს მივაღწევთ, თუ ასე გავაგრძელებთ. "პარმასთან" მატჩში გუნდს კონცენტრაცია არ ეყო.
მას შემდეგ რაც ანგარიში 2:1 გახდა, გათანბრების შანსი გვქონდა, მაგრამ მესამე გაშვებულმა გოლმა მატჩის გადარჩენის იმედები მოსპო.
ასეთი თამაშით ჩემპიონთა ლიგის საგზურს ვერ მოვიპოვებთ, ეს კი ნიშნავს, რომ სერიოზული პრობლემები გვაქვს. ძალიან ბევრ შეცდომებს ვუშვებთ", - განაცხადა რეიამ.
