"იუვენტუსის" ნახევარმცველმა ანდრეა პირლომ "პალერმოსთან" სერია A-ს 31-ე ტურის მატჩის შემდეგ, რომლის შედეგადაც მისი გუნდი სატურნირო ცხრილს კვლავ სათავეში ჩაუდგა, აღნიშნა, რომ ახლა სკუდეტოს ბედი ტურინელებზეა დამოკიდებული."ვიცით, რომ ახლა ყველაფერი ჩვენზეა დამოკიდებული. თუ დარჩენილ 7 მატჩში მოვიგებთ, ვერავინ დაგვეწევა. ახლა სკუდეტოს მოპოვების 50%-იანი შანსი გვაქვს.
რაც შეეხება "მილანს", არ ვფიქრობ, რომ ის კრიზისშია. "ფიორენტინასთან" შეხვედრაში მილანელები ჩემპიონთა ლიგის შეხვედრის შემდეგ დაღლილები იყვნენ. თუმცა გავიმეორებ, ახლა ყველაფერი ჩვენზეა დამოკიდებული", - თქვა პირლომ.
მომზადებულია Goal.com-ის მიხედვით
