მილანის "ინტერის" თავდამსხმელს დიეგო მილიტოს მიაჩნია, რომ მის გუნდს იტალიის ჩემპიონატში მესამე ადგილის დაკავება შეუძლია. შეგახსენებთ, რომ 11 აპრილს მილიტომ "სიენასთან" (2:1) იტალიის ჩემპიონატის 32-ე ტურის მატჩში დუბლი შეასრულა, ხოლო "ინტერმა" რომის "ლაციოსთან" სხვაობა ექვს ქულამდე შეამცირა.
"იმედი მაქვს, გამოცდილება დაგვეხმარება. ბოლომდე ვიბრძოლებთ, რადგან მესამე ადგილის დაკავება გადაუჭრელი ამოცანა არ გახლავთ. "სიენასთან" გამარჯვებამ დაამტკიცა, რომ ჩვენი თამაში ვიპოვეთ და ერთ გუნდად შევიკარით", - განაცხადა მილიტომ.
მომზადებულია Football Italia-ს მიხედვით
