"მილანის" ხელმძღვანელობა იმ ფეხბურთელების ძებნას აგრძელებს, რომელთაც მომავალში გუნდის ძირითადი შემადგენლობის გაძლიერება შეუძლიათ. "როსონერის" ყურადღების ქვეშ ნიგერიის ახალგაზრდული ნაკრების 21 წლის თავდამსხმელი გბოლახან სალამი მოხვდა.ამტკიცებენ, რომ ზაფხულში "მილანი" 183 სანტიმეტრის სიმაღლის ფორვარდის გამოსყიდვას ეცდება, რომელიც ამჟამად ნიგერიის ჩემპიონატში მოასპარეზე "ენიმბას" ღირსებას იცავს.
