იტალიის ჩემპიონატის 36-ე ტურის შეხვედრაში "ნაპოლიმ" საკუთარ კედლებში "პალერმო" მიიღო და ანგარიშით 2:0 დაამარცხა."მინდა გულშემატკივარს მადლობა გადავუხადო მხარდაჭერისთვის. ისინი მთელი მატჩის დროს გვამხნევებდნენ.
მნიშვნელოვანი გამარჯვება მოვიპოვეთ, მაგრამ შემდეგი დაპირისპირება "ბოლონიასთან" არც ისე ადვილი იქნება.
გარდა ამისა, ურთიერთშეხვედრებში "ლაციო" გვჯობია. ამიტომ აუცილებლად უნდა მოვიგოთ.
ჩვენი მიზანი ჩემპიონთა ლიგაა. ახალგაზრდა გუნდი გვყავს, რომელიც უდიდეს გამოცდილებას იღებს ამ ტურნირში მონაწილეობით", - თქვა "ნაპოლის" მთავარმა მწვრთნელმა ვალტერ მაძარიმ.
შეგახსენებთ, რომ იტალიის ჩემპიონატის სატურნირო ცხრილში "ნაპოლის" ამჟამად 58 ქულა აქვს და მესამე ადგილზე იმყოფება.
