ლეონარდოს თქმით, გასული სეზონის ბოლოს მან კლუბი სილვიო ბერლუსკონის გამო დატოვა. ბრაზილიელი სპეციალისტი აცხადებს, რომ "მილანის" პრეზიდენტთან თანამშრომლობა პრაქტიკულად შეუძლებელია.
"ასე იოლად "მილანს" არასდროს დავტოვებდი, რადგან კლუბში 13 წელი მქონდა გატარებული. ახლა გუნდი ისეთ მანერაში თამაშობს, რომელიც ფეხბურთის ჩემეულ ხედვასთან ძალზე ახლოსაა, ხოლო მე იმ მარტივი მიზეზით წავედი, რომ სილვიო ბერლუსკონისთან ურთიერთობა გამირთულდა.
მასთან არათუ თანამშრომლობა, თანაარსებობაც კი შეუძლებელია. დღემდე ვერ გამიგია, რატომ გამომლანძღა "მილანის" ახალი მთავარი მწვრთნელის მასიმო ალეგრის პრეზენტაციაზე. ჩანს, ბერლუსკონი ჭკუაზე ვერაა.
ალეგრისაც გაუჭირდება. იმედია, მას მაინც მისცემენ გადაწყვეტილებების მიღების საშუალებას, წინააღმდეგ შემთხვევაში "მილანი" მომავალ სეზონსაც ახალი მწვრთნელის ხელმძღვანელობით დაიწყებს", - ციტირებს ლეონარდოს Football Italia.
