"მილანის" ბრაზილიელმა თავდამსხმელმა ალეშანდრო პატომ ტრავმა მოიშუშა და მწყობრში ჩადგა.პატომ სხვადასხვა ტრავმის გამო თითქმის მთლიანი სეზონი გამოტოვა. მან "როსონერის" ოფიციალურ მატჩებში მხოლოდ 18-ჯერ ითამაშა.
კლუბის ოფიციალური ვებგვერდის ცნობით, 22 წლის ფეხბურთელმა სამედიცინო ტესტები ჩააბარა და სათამაშოდ მზადაა.
სულ მალე პატო ბრაზილიის ნაკრებს შეუერთდება, რომელიც ამხანაგური მატჩებისთვის ემზადება. ბრაზილიის ეროვნული გუნდის მეტოქეები აშშ-ის, მექსიკის, დანიის და არგენტინის ნაკრებები იქნებიან.
