"მილანი" მზადაა, თავისი სამი თავდამსხმელიდან - რობინიო, ალეშანდრე პატო, ანტონიო კასანო, - ერთ-ერთი ტრანსფერზე დააყენოს, რათა შემადგენლობის გასაძლიერებლად საჭირო თანხა მოიპოვოს. "როსონერი" ნახევარმცველი კევინ-პრინს ბოატენგის იჯარით გაშვებაზეც ფიქრობს.
იტალიის ვიცე-ჩემპიონის მთავარი ამოცანა გუნდის წამყვანი მოთამაშეების - ფორვარდ ზლატან იბრაჰიმოვიჩისა და მცველ ტიაგო სილვას შენარჩუნებაა.
იბრაჰიმოვიჩმა უკვე გამოთქვა მოსაზრება, რომ თუ გუნდს ტიტულისთვის ბრძოლა სურს, ახალი ძლიერი ფეხბურთელები უნდა შეიძინოს.
აღსანიშნავია, რომ პატოს პსჟ-ისგან აქვს შეთავაზება, რობინიოთი "სანტოსია" დაინტერესებული, კასანოთი - "მალაგა", ბოატენგის გადაბირებას კი ინგლისური კლუბები ეცდებიან.
მომზადებულია Goal.com-ის მიხედვით
