"ნაპოლის" ხელმძღვანელობა აპირებს, მილანის "ინტერის" ფორვარდი გორან პანდევი გამოისყიდოს, რომელმაც გასული სეზონი ნეაპოლურ გუნდში იჯარის წესით გაატარა.ვარაუდობენ, რომ კლუბის ხელმძღვანელობა მაკედონიელ ფეხბურთელში 8 მილიონ ევროს გადაიხდის.
გარიგების წარმატებით დასრულების შემთხვევაში გუნდი შესაძლოა არგენტინელმა ფორვარდმა ეზეკიელ ლავეციმ დატოვოს. ლავეცის შეძენით "პარი სენ ჟერმენია" დაინტერესებული.
პანდევმა მიმდინარე სეზონში "ნაპოლის" შემადგენლობაში 37 მატჩი ჩაატარა (უმეტეს შემთხვევაში მოედანზე შეცვლებზე გამოდიოდა) და 6 გოლი გაიტანა.
მომზადებულია TMW-ის მიხედვით
