"ნაპოლიმ" მილანის "ინტერის" თავდამსხმელი გორან პანდევი შეიძინა. ფორვარდთან კონტრაქტი 2015 წლამდე იმოქმედებს.გარიგების ფინანსური დეტალები ჯერჯერობით არ ხმაურდება. "ნაპოლი" მზად იყო მაკედონიელი ფეხბურთელის სანაცვლოდ 8 მილიონი ევრო გადაეხადა.
აღსანიშნავია, რომ გასულ სეზონში პანდევი "ნაპოლიში" იჯარის წესით გამოდიოდა. სერია A-ს 30 შეხვედრაში მან 6 გოლი გაიტანა და 5 საგოლე გადაცემა შეასრულა.
