თავდამსხმელმა ალესანდრო დელ პიერომ, რომელსაც ტურინის "იუვენტუსთან" კონტრაქტი ამოეწურა, კარიერა შესაძლოა არგენტინაში გააგრძელოს. "რივერ პლეიტმა" მას სეზონში 1.5 მილიონი ევროს ოდენობის ხელფასი შესთავაზა. 37 წლის ფეხბურთელმა მოსაფიქრებლად 72 საათი მოითხოვა.
ვარაუდობენ, რომ ფორვარდი კარიერის გაგრძელებას, ალბათ, მაინც აშშ-ში ამჯობინებს.
აღსანიშნავია, რომ "რივერ პლეიტის" რიგებს დელ პიეროს ყოფილი თანაგუნდელი დავიდ ტრეზეგე იცავს.
