34 წლის ბრაზილიელმა მცველმა ლუსიომ "ინტერთან" ხელშეკრულება გაწყვიტა და თავისუფალი აგენტი გახდა. უმალ გავრცელდა ცნობები, თუ სად შეიძლება გააგრძელოს კარიერა უკანახაზელმა. ყველაზე რეალური კი მისი "იუვენტუსში" შესაძლო გადაბარგებაა. ამაზე თვით ტურინული გრანდის სპორტულმა დირექტორმა, ჯუზეპე მაროტამ ისაუბრა:
"ლუსიო უმაღლესი კლასის ფეხბურთელია და დიდი სურვილი გვაქვს, რომ მასთან ხელშეკრულება გავაფორმოთ. თუმცა დღეს ამაზე ლაპარაკი ცოტა ადრეა – უახლოეს დღეებში ბრაზილიელთან შეხვედრას ვაპირებთ და იქ გაეცემა ყველა კითხვას პასუხი.
ჯერ ისიც არ ვიცით, თვითონ ლუსიოს რა სურს და უნდა თუ არა საერთოდ
რთული წარმოსადგენია, რომ ლუსიოს "იუვენტუსში" გადაბარგება არ უნდოდეს, მაგრამ კულუარული ინფორმაციის თანახმად, "ინტერმა" მხოლოდ იმ პირობით გაუწყვიტა კონტრაქტი, თუ სხვა იტალიურ კლუბში არ გადაბარგდება.
ეს ცნობა ოფიციალურად ჯერ არ დადასტურებულა და ისღა დაგვრჩენია, რომ დაველოდოთ მოვლენათა განვითარებას.
ყოველდღიური სპორტული გაზეთი "ლელო"
