მილანის "ინტერის" ყოფილი მცველი ლუსიო 4 ივლისს ტურინის "იუვენტუსში" სამედიცინო შემოწმებას გაივლის. ამის შესახებ იტალიის ჩემპიონის ოფიციალური ვებგვერდი იუწყება.
სამედიცინო შემოწმების დასკვნის შემდეგ ფეხბურთელის გადასვლა კლუბში ოფიციალურად გაცხადდება.
სავარაუდოდ, ბრაზილიელის კონტრაქტი "იუვენტუსთან" ორწლიანი იქნება.
ლუსიო ტურინულ კლუბში თავისუფალი აგენტის სტატუსით გადავა, რადგან ივნისის ბოლოს მან "ინტერთან" ხელშეკრულება გაწყვიტა.
შეგახსენებთ, რომ ლუსიო "ინტერში" 2009 წლიდან თამაშობდა. ამ ხნის განმავლობაში მან იტალიის თასი ორჯერ მოიგო, ხოლო იტალიის ჩემპიონატი, ჩემპიონთა ლიგა და იტალიის სუპერთასი - ერთხელ.
