"მილანის" კაპიტანმა მასიმო ამბროზინიმ აზრი გამოთქვა, რომ გუნდიდან ტიაგო სილვას და ზლატან იბრაჰიმოვიჩის წასვლა "როსონერის" სერია A-ში უმაღლესი ადგილებისთვის ბრძოლაში ხელს ვერ შეუშლის."არ ვიცი, როგორ წარიმართება ჩვენთვის მომავალი სეზონი, მაგრამ ერთი რამ შემიძლია დანამდვილებით ვთქვა - "მილანი" უდიდეს კლუბად დარჩება!
მოთამაშეები ყოველთვის მოდიან და მიდიან. ახლა გუნდი სერიოზული განახლების პროცესს გადის, რაც ადრე თუ გვიან "ბარსელონასაც" ელის და "მანჩესტერ იუნაიტედსაც", - განაცხადა ამბროზინიმ.
