დანიელე დე როსიმ შვებულება დაასრულა და "ტრიგორიას" საწვრთნელ ბაზას დაუბრუნდა - რომაული გუნდის ლიდერი "გაძეტა დელო სპორტის" ჟურნალისტს გაესაუბრა და საინტერესო კომენტარები გააკეთა. მისი თქმით, განვლილი სეზონი "რომასთვის" კოშმარული იყო და გულშემატკივართა წინაშე რეაბილიტაცია მართებთ - მოვუსმინოთ დე როსის:“საშინელი წელი იყო და ეს ყველამ უნდა ვაღიაროთ. შედეგი მთავარი საზომია და ამ მხრივ, გულშემატკივრებს აშკარად გავუცრუეთ იმედი. ევროტურნირებზე ვერაფერს მივაღწიეთ და რაც მთავარია, ჩემპიონთა ლიგის საგზურიც კი ვერ მოვიპოვეთ.
მალე ახალი სეზონი დაიწყება და ყველა ღონე უნდა ვიხმაროთ, რომ ტიფოზების
დე როსიმ იტალიის ეროვნული გუნდის შესახებაც ისაუბრა და შემდეგი განაცხადა:
"ევროპის ჩემპიონატი მინორულ ნოტაზე დავასრულეთ, მაგრამ არ უნდა დაგვავიწყდეს, რომ ფინალამდე მივედით და მხოლოდ გადამწყვეტ პაექრობაში დავმარცხდით.
განვლილმა ბატალიებმა ჩემზე უდიდესი გავლენა იქონია და თამამად შეიძლება ვთქვა, რომ დღეს კიდევ უფრო მეტად მწყურია დიდი გამარჯვებები, ვიდრე აქამდე. ეროვნულ გუნდში ასპარეზობა ჩემთვის უდიდესი პატივია და ყოველთვის ასე იქნება".
ყოველდღიური სპორტული გაზეთი "ლელო"
