ტურინის "იუვენტუსის" გოლკიპერი ჯანლუიჯი ბუფონი მზადაა, "ბებერ ქალბატონთან" ახალი კონტრაქტი გააფორმოს.ბუფონს კლუბთან ხელშეკრულება მომავალ ზაფხულს ეწურება. მეკარემ არაერთხელ განაცხადა, რომ მომავალს "იუვენტუსს" უკავშირებს და ხელფასის შემცირებაზეც თანახმაა.
უახლოეს რამდენიმე დღეში ჯიჯი "ბიანკონერის" პრეზიდენტ ანდრეა ანიელის შეხვდება. ისინი ახალი კონტრაქტის 2015 ან 2016 წლამდე გაფორმებაზე იმსჯელებენ.
