ტურინის "იუვენტუსის" და იტალიის ნაკრების 34 წლის გოლკიპერმა ჯანლუიჯი ბუფონმა კვლავ განაცხადა, რომ ჯერჯერობით მიმდინარე სეზონის ბოლოს კარიერის დასრულებაზე არ ფიქრობს."კარიერის დასრულებაზე არ ვფიქრობ. ერთადერთი, რაც დღეს ჩემთვის მნიშვნელოვანია - ფეხბურთია. გასული სეზონის გამარჯვებული გუნდი შევინარჩუნეთ და სატრანსფერო ბაზარზე მუშაობამ კლუბი კიდევ უფრო გააძლიერა.
ჩემპიონთა ლიგაზე დავბრუნდით და ეს მით უფრო საჭირო იყო.
მიუხედავად იმისა, ვინ იქნება ჩვენი მეტოქე, "იუვენტუსი" ყოველთვის გამარჯვებისთვის ითამაშებს", - თქვა ბუფონმა.
