"ნაპოლის" ურუგვაელი ნახევარმცველი ვალტერ გარგანო სამედიცინო გამოკვლევის ჩასატარებლად მილანში ჩავიდა.გარგანო მილანის "ინტერში" ერთწლიანი იჯარით, 1.5 მილიონ ევროდ გადადის. "ნერაძურის" მოთამაშის გამოსყიდვის შესაძლებლობა 5 მილიონი ევროს საფასურად ექნება.
"მიხარია, რომ აქ ვიმყოფები. უდიდეს კლუბში გადავდივარ. მათ სურდათ, აქ ვეხილე და ყველაფერს გავაკეთებ, რაც შემიძლია, რათა მათი ნდობა გავამართლო.
"ნაპოლის" გულშემატკივრები მუდმივად ჩემს გულში დარჩებიან. "ნაპოლიში" თამაში ფანტასტიკური იყო, მაგრამ ახლა ჩემთვის "ინტერში" ახალი თავგადასავალი იწყება და იმედია, თავს საუკეთესო მხრიდან წარმოვაჩენ", - თქვა ვალტერ გარგანომ.
მომზადებულია Sky Sport Italia-ს მიხედვით
