"მილანის" 22 წლის ბრაზილიელი თავდამსხმელი ალეშანდრო პატო იტალიის ჩემპიონატის ახალი სეზონის სტარტს გამოტოვებს. "როსონერის" ოფიციალური საიტის ინფორმაციით, ბრაზილიის ნაკრების ფეხბურთელმა გუნდის ერთ-ერთ ვარჯიშზე მარცხენა ფეხის ბარძაყის კუნთი დაიშავა. წინასწარი მონაცემებით, ფორვარდს დაახლოებით სამი კვირის გამოტოვება მოუხდება.
უახლოეს ხანში პატო დამატებით სამედიცინო გამოკვლევას გაივლის.
შეგახსენებთ, რომ გასულ სეზონშიც პატო კუნთების ხშირმა ტრავმებმა დატანჯა.
