"მილანის" და საფრანგეთის ნაკრების 30 წლის ცენტრალური მცველი ფილიპ მექსესი თავის ამჟამინდელ კლუბს სატრანსფერო ფანჯრის დახურვამდე დატოვებს. ფეხბურთელი 27 აგვისტოს "სამპდორიასთან" სერია A-ს მატჩში არ ითამაშებს.
ამბობენ, რომ მექსესი "როსონერის" თავკაცის მასიმილიანო ალეგრის გეგმებში აღარ ფიგურირებს.
"რომადან" გადასვლის შემდეგ "მილანის" შემადგენლობაში ფრანგმა მცველმა სულ 24 მატჩი ჩაატარა, რომელშიც კლუბი სულ ოთხჯერ დამარცხდა.
