"ინტერის" გარშემო უამრავი ჭორ-მართალი ვრცელდება, რომელთა შესახებაც თითქმის ყველა ნომერში გვიწევს წერა. თუმცა ვითარებაში უკეთ გასარკვევად საუკეთესო საშუალება ინფორმაციის პირველი პირისგან მიღებაა.
ჟურნალისტებს "ნერაძურის" პრეზიდენტი მასიმო მორატი გაესაუბრა და თემების მიხედვით, საკუთარი პოზიცია გაგვაცნო...
სნეიდერი
ვესლი სნეიდერი გუნდის ერთ-ერთი საუკეთესო ფეხბურთელია და მისი გასხვისების სურვილი არ გვაქვს, თუმცა გადაჭრით რაიმეს თქმა დღეს შეუძლებელია.
ბევრი ამბობს, რომ სნეიდერის გაყიდვით აღებული თანხა ახალი ფეხბურთელების დამატებაში დაიხარჯება. დანამდვილებით შემიძლია გითხრათ, რომ სატრანსფერო ბაზ
ზოგადად, სატრანსფერო კამპანიაში ჩართვას არ ვაპირებთ, მაგრამ თუ კარგი ვარიანტი გამოჩნდა, პოზიციის შეცვლაც არ იქნება პრობლემა. მოკლედ, ჯერჯერობით დაკვირვების ფაზაში ვართ.
კასანო
როდესაც ხელოვანს მუზა ეწვევა, მისი შეჩერება შეუძლებელია... ასეა ანტონიო კასანოც, თუ თამაში წაუვა, მოედანზე ყველაფერი გამოსდის. "ნაპოლისთან" შეხვედრაში ფრედი გუარინს ბრწყინვალე პასი გაუკეთა, რომლის მსგავსი იშვიათად მინახავს.
ბევრი ამბობს, რომ ანტონიო იდეალურ ფორმაში არაა და 90 წუთი თამაში უჭირს, თუმცა ეს მცდარი მოსაზრებაა - ანდრეა სტრამაჩონი მას ტაქტიკური მოსაზრებებიდან გამომდინარე ცვლის და არა იმიტომ, რომ იღლება.
თანამედროვე ფეხბურთში იშვიათია თავდამსხმელი, შეუცვლელად ასპარეზობდეს. კასანო გუნდისთვის უმნიშვნელოვანესი ფეხბურთელია და ყველაზე მეტად ის მახარებს, რომ "ინტერში" თავს შესანიშნავად გრძნობს. პირად საუბარში აქვს ნათქვამი, რომ ჩვენთან ყველაზე ბედნიერია, რაც ჩემთვის ბევრს ნიშნავს.
სკუდეტო
ვფიქრობ, რომ სკუდეტოს მოპოვება შეგვიძლია და ბოლო მატჩებმა ამაში კიდევ უფრო დამარწმუნა. მართალია, "იუვენტუსი" ძალიან ძლიერი კონკურენტია, მაგრამ ჩვენც ვპროგრესირებთ და დროთა განმავლობაში კიდევ უფრო მოვუმატებთ.
დღეს რთულია სათქმელია, რომელ ადგილზე ვიქნებით მაისში, მაგრამ ჩემპიონობისთვის ბრძოლა რომ შეგვიძლია, ამას წყალი არ გაუვა.
ყოველდღიური სპორტული გაზეთი "ლელო"
