სატრანსფერო ფანჯარა გახსნილია და იტალიური კლუბები ნელნელა ამ მიმართულებითაც ხურდებიან. მართალია, მეგა-ტრანსფერი ჯერ არ განხორციელებულა, მაგრამ რამდენიმე საინტერესო გარიგება შედგა. მაგალითად, ბერგამოელი ფედერიკო პელუზო უკვე ტურინშია და დღე დღეზე "იუვენტუსთან" საიჯარო ხელშეკრულკებას გააფორმებს. ჯერჯერობით, ყურადღების ცენტრში ვეტერანები არიან, რომლებიც არა მარტო ხელშეკრულებებს ახანგრძლივებენ, ახალ გუნდებშიც გადადიან. ქვემოთ, ბოლო, ყველაზე საინტერესო სიახლეებს მოკლედ გაგაცნობთ...
* ტომაზო როკი რომ "ინტერში" გააგრძელებს კარიერას, ერთ-ერთ წინა ნომერშიც გაუწყეთ, დღეს კი იმის აღნიშვნა გვიწევს, რომ 35 წლის ფორვარდმა მილანურ გრანდთან ხელშეკრულება გააფორმა. კონტრაქტი საიჯაროა, რომლის
* "ჯენოას" ოფიციალური ვებგვერდი იუწყება, რომ ამიერიდან, 32 წლის ფრანსელიმო მათუზალემი გენუური გუნდის ფეხბურთელია. ექს-ლაციალემ ახალ კლუბთან ნახევარწლიანი საიჯარო ხელშეკრულება გააფორმა და თუ მხარეები კმაყოფლნი დარჩნენ თანამშრომლობით, ზაფხულში უფრო ხანგრძლივვადიანი კონტრაქტიც გაფორმდება. ცნობილია ისიც, რომ ბრაზილიელის გამოსყიდვა გენუელებს 2 მილიონი ევრო დაუჯდებათ.
* სალვატორე არონიკა კარგა ხანს აწარმოებდა მოლაპარაკებებს "პალერმოსთან", გუშინ კი 2-წლიან კონტრაქტს მოაწერა ხელი და ბედი სიცილიურ გუნდს დაუკავშირა. 34 წლის სალვატორემ ბოლო ხუთი წელი "ნაპოლიში" გაატარა და როგორც ჟურნალისტებს განუცხადა, ნეაპოლური გუნდი ყოველთვის მის გულში იქნება.
* 35 წლის ლუკა ტონიმ "ფიორენტინასგან" ახალი, ერთწლიანი კონტრაქტი მიიღო, რამაც ფეხბურთელი ძალიან გაახარა. ტონის თქმით, ახალი ხელშეკრულება მისთვის სასიამოვნო მოულოდნელობა გახლავთ, რამაც კლუბის მესვეურთა მიმართ მადლიერებით აავსო. ეს იმას ნიშნავს, რომ ლუკა "ფიორენტინაში" მომდევნო სეზონსაც გაატარებს. შეგახსენებთ, რომ სერია A-ს მიმდინარე გათამაშებაში ვეტერანმა ფორვარდმა 14 მატჩი გამართა და 6 გოლი გაიტანა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
