29 იანვარს, საღამოს, "მანჩესტერ სიტის" თავდამსხმელმა მარიო ბალოტელიმ "მილანთან" პირადი კონტრაქტის პირობები შეათანხმა - ამის შესახებ ინფორმაციას Sky Sport Italia ავრცელებს. წყაროს ცნობით, ფორვარდი წლიურ ანაზღაურებას – 4 მილიონ ევროს დათანხმდა. ბონუსებთან ერთად, თანხა გაიზრდება.
როგორც ვარაუდობენ, ბალოტელის "მილანში" გადაბარგება უკვე უახლოეს საათებში დადასტურდება. გარიგების ფასი კი 20-იდან 23 მლნ ევრომდე განისაზღვრება.
Goal.com-ის ცნობით კი, იტალიის ნაკრების თავდამსხმელი 28 იანვარს უკვე გამოემშვიდობა "მანჩესტერ სიტის" ფეხბურთელებსა და სამწვრთნელო შტაბს. საიტის ცნობით, ფეხბურთელი მილანში უნდა გაემგზავროს სამედიცინო შემოწმების გასავლელად.
