იტალიის ნაკრებისა და ტურინის "იუვენტუსის" ნახევარმცველმა ანდრეა პირლომ ქვეყნიერებას თავისი აქამდე უცნობი ჰობის - მეღვინეობის შესახებ ამცნო.ცნობილი იტალიელი ფეხბურთელი სპეციალურად მომზადებულ ვიდეოსიუჟეტში თავის გატაცებაზე საუბრობს (იხილეთ ვიდეო).
"თქვენ ჩემ შესახებ ბევრი იცით, თუმცა ერთი ფაქტი უცნობია - ყველაფერთან ერთად, მე მეღვინეც ვარ.
ჯერ კიდევ მაშინ, როდესაც ყმაწვილი ვიყავი, ოჯახთან ერთად ხშირად ვსტუმრობდი ბებიის სახლს. ამ სოფელს კოლერი ჰქვია და ის ბრეშიის სიახლოვესაა. სწორედ იქ მდებარეობს ჩვენი ვენახი", - თქვა მსოფლიოს ჩემპიონმა.
მეღვინეობა პირლოსთვის არამხოლოდ გატაცება, ახლა უკვე ბიზნესიც ყოფილა.
