"ფიორენტინას" თავდამსხმელი სტეფან იოვეტიჩი მზადაა ძალები დიდ კლუბში მოსინჯოს."რა თქმა უნდა, კარგია ისეთ გუნდში თამაში, სადაც სასტარტო შემადგენლობაში გაქვს ადგილი გარანტირებული. თუმცა ფეხბურთელის კარიერა საკმაოდ ხანმოკლეა, ამიტომ პროფესიონალური ზრდის შანსი უნდა გამოიყენო.
საერთოდ, სამი კატეგორიის მოთამაშეები არსებობენ: ტოტისნაირი ფეხბურთელები, რომლებიც მთელი ცხოვრება მშობლიურ გუნდში გამოდიან, ფეხბურთელები, რომლებსაც ცვლილებების ეშინიათ და მესამე ტიპის მოთამაშეები, რომლებსაც არაფერი აშინებთ. რომელს ვეკუთვნი მე? მე არაფრის მეშინია", - თქვა იოვეტიჩმა.
შეგახსენებთ, რომ იოვეტიჩის გადაბირების მთავარი მსურველი "მანჩესტერ სიტია". ფეხბურთელის ტრანსფერის ფასი 30 მილიონი ევროა.
