"მილანი" "პარი სენ-ჟერმენთან" ზლატან იბრაჰიმოვიჩის იტალიაში დაბრუნების თაობაზე მოლაპარაკაებას აგრძელებს. იტალიური მედიის ცნობით, პარიზელები მზად არიან 33 წლის შვედი ფორვარდი 5,5 მლნ ევროდ დათმონ. არსებული ინფორმაციით, "მილანის" ვიცე-პრეზიდენტმა ადრიანო გალიანიმ ფეხბურთელის პირადი კონტრაქტის დეტალები უკვე შეათანხმა მის აგენტ მინო რაიოლასთან.
მილანური კლუბი მზადაა, იბრაჰიმოვიჩს სამწლიანი კონტრაქტი გაუფორმოს, სადაც წლიური 5,5 მლნ ევროს ოდენობის ხელფასი იქნება გათვალისწინებული, პლუს - ბონუსები.
შეგახსენებთ, რომ ზლატან იბრაჰიმოვიჩი "მილანის" ღირსებას 2010-2012 წლებში იცავდა. ამ გუნდთან ერთად შვედმა სერია A და იტალიის სუპერთასი მოიგო.
![ჩემპიონთა ლიგა. IV ტური: კაშიას კარგი მატჩი "მილანთან" და "სლოვანის" დასანანი მარცხი [VIDEO]](/pictures/image7/d37c86c903a4fbc98a3536f51227adea.jpg "ჩემპიონთა ლიგა. IV ტური: კაშიას კარგი მატჩი \"მილანთან\" და \"სლოვანის\" დასანანი მარცხი [VIDEO]")
