სერია A. XXXIII ტური: "იუვეს" საჩემპიონო გაქცევა [VIDEO]

* სიმონე ინძაგის ხელმძღვანელობით, "ლაციოს" 100%-იანი შედეგი აქვს.

* "მილანის" თავკაცის პოსტზე წარმატებული დებიუტი ჰქონდა კრისტიან ბროკის.

* კლაუდიო მარკიზიომ მძიმე ტრავმა მიიღო და ევრო 2016-ის გამოტოვება მოუწევს.

სერია A-ს მიმდინარე სეზონის დასრულებამდე 5 ტურია დარჩენილი, "იუვენტუსი" კი უახლოეს მდევარს 9 ქულით უსწრებს. ტურინული გრანდი ზედიზედ მე-5 სკუდეტოს უახლოვდება.

უდინეში განცდილი მარცხი და გონსალო იგუაინის 4-მატჩიანი დისკვალიფიკაცია "ნაპოლისთვის" მძიმე დარტყმა გამოდგა. მაურიციო სარის გუნდმა ვეღარ გაუქაჩა "იუვენტუსს", კიდევ ერთი მატჩი დათმო და ცხადია, რომ ვეღარ შეწვდება პირველ ადგილს.

შესაბამისად, ნეაპოლელთა მთავარი საზრუნავი მეორე ადგილის შენარჩუნება უნდა იყოს, რომელიც ჩემპიონთა ლიგის საგზურს საკვალიფიკაციო ეტაპის გარეშე იძლევა. სკუდეტოს ვერ შეედრება, მაგრამ მისია ძალიან მნიშვნელოვანია, რადგან "ნაპოლის" უკვე წამტვრეული აქვს ცხვირი ლიგის საკვალიფიკაციო ეტაპზე და თანაც, არაერთხელ.

ტურის ცენტრალური მატჩი მილანში გაიმართა, სადაც "ინტერმა" სწორედ "ნაპოლის" უმასპინძლა და ორი უპასუხო გოლი მიართვა მეტოქეს. პირველი გოლი მაურო იკარდის ანგარიშზეა, რომელმაც გარი მედელის შესანიშნავი პასის შემდეგ, ოსტატურად ჩამოიღო ბურთი და მეორე შეხებით ნეაპოლელთა კარში გადაგზავნა.

მეორე გოლი მარსელო ბროზოვიჩის ანგარიშზეა, რომელიც ხელსაყრელ პოზიციაზე გავიდა და შანსი ხელიდან არ გაუშვა. მომენტები ორივე კართან შეიქმნა, თუმცა მეტი გოლი აღარ გასულა და "ინტერმა" მნიშვნელოვანი ქულები ჩაიწერა აქტივში, "ნაპოლი" კი ხელმოცარული დარჩა და საჩემპიონო რბოლას, პრაქტიკულად, ჩამოშორდა. მატჩის შემდეგ კომენტარები მხოლოდ მილანელებმა გააკეთეს...

რობერტო მანჩინი (ინტერი): "ყველამ კარგად ითამაშა და ამიტომ არავის გამორჩევა არ მინდა, გამარჯვება კი აშკარად დავიმსახურეთ. სტევან იოვეტიჩს და მაურო იკარდის განსხვავებული ძლიერი მხარეები აქვთ და ამიტომ მოედანზე ერთმანეთს ავსებენ. მოვხვდებით თუ არა ჩემპიონთა ლიგის ზონაში? - არა მგონია, რომ ამის შანსი დიდი იყოს, მაგრამ ჩვენ ბოლომდე უნდა ვიბრძოლოთ, შედეგი კი ჩემპიონატის ბოლოს გამოჩნდება".

მაურო იკარდი (ინტერი): "შესაძლოა, ეს იყო ჩვენი საუკეთესო მატჩი მიმდინარე სეზონში. იანვარში ჩავარდნა გვქონდა და ბევრი ქულა დავკარგეთ - ის კრიზისი რომ აგვეცილებინა თავიდან, არათუ ჩემპიონთა ლიგის საგზურისთვის, სკუდეტოსთვის ვიბრძოლებდით. ძლიერი გუნდი გვყავს და განვლილმა მატჩმა ეს კიდევ ერთხელ დაგვანახვა. დარწმუნებული ვარ, რომაელები უყურებდნენ ჩვენს თამაშს და ისინი უთუოდ გრძნობენ დაწოლას. ვნახოთ, ვის დარჩება მესამე ადგილი".

როგორც მოსალოდნელი იყო, "იუვენტუსმა" "პალერმოს" გადაურბინა და მორიგი სამი ქულა ჩაიწერა აქტივში. ტურინელთა ანგარიშზე 4 უპასუხო გოლია, თითო შედეგიანი დარტყმა კი სამი ხედირამ, პოლ პოგბამ, ხუან კუადრადომ და სიმონე პადოინმა მიითვალეს აქტივში. "იუვემ" მთელი 9 ქულით გაასწრო "ნაპოლის" და სასწაული უნდა მოხდეს, რომ ეს უპირატესობა გაანიავოს.

მომენტების აღწერას აღარ მოვყვებით და მხოლოდ იმას დავძენთ, რომ ტურინელებს ერთი იმდენი გოლის გატანა შეეძლოთ, თუმცა დამაგვირგვინებელ ფაზაში სცოდავდნენ. "იუვენტუსისთვის" და მეტადრე იტალიის ნაკრებისთვის ერთი ცუდი ამბავიც მოხდა - კლაუდიო მარკიზიო დაშავდა და ბოლო ინფორმაციით, მას ჯვარედინი მყესი აქვს გაწყვეტილი, რაც იმას ნიშნავს, რომ ევროპის ჩემპიონატს გამოტოვებს.

რუდი გარსიადან მოყოლებული, "რომას" მთავარი პრობლემა დაცვითი ხაზია და ბერგამოში გამართულმა მატჩმა ეს კიდევ ერთხელ დაგვანახვა. "ჯალოროსიმ" 3 გოლი გაუტანა მეტოქეს, მაგრამ ამდენივე გაუშვა და შესაბამისად, ქულას დასჯერდა.

თამაში მართლაც კარგი სანახავი გამოდგა - რომაელები ორი ბურთის სხვაობით იგებდნენ, თუმცა მასპინძლებმა თავი გამოიდეს, ჯერ გაათანაბრეს ანგარიში და შემდეგ სულაც წინ გავიდნენ.

მარკო ბორიელო ყოფილა ცოცხალი, რომელმაც არც მეტი, არც ნაკლები, დუბლი შეასრულა და ყოფილ გუნდს სისხლი გაუშრო. "რომა" მარცხისგან ფრანჩესკო ტოტიმ იხსნა, რომელიც დანიელე დე როსის ნაცვლად ჩაერთო თამაშში და მატჩის დასრულებამდე 5 წუთით ადრე გამათანაბრებელი გოლი შეაგდო.

საბოლოოდ, 3:3, რომლითაც რომაელები ნამდვილად ვერ იქნებიან კმაყოფილნი - ერთი, რომ "ნაპოლისთან" მიახლოების შანსი გაუშვეს ხელიდან და მეორე, "ინტერს" მისცეს ფორის შემცირების საშუალება. მოკლედ, "რომასთვის" წარუმატებელი ტური იყო, თვითონ თამაშს კი ნამდვილად არაფერი დაეწუნებოდა. მატჩის შემდეგ ლუჩანო სპალეტიმ შეგირდები გააკრიტიკა:

"დაცვაში ძალიან ცუდად ვითამაშეთ და აშკარაა, რომ ამ კომპონენტზე ბევრი სამუშაო გვაქვს. თამაშში ბალანსი ვერ ვიპოვეთ, ფეხბურთელები კი პერიოდულად კონცენტრაციას კარგავდნენ, რაც დაუშვებელია. ბევრი ინდივიდუალური შეცდომა დავუშვით, რასაც ჩვენს კართან სახიფათო მომენტები მოჰყვა. რბილად რომ ვთქვათ, ეს არ იყო ჩვენი საუკეთესო თამაში, თუმცა იმედი მაქვს, რომ ხარვეზებს მომდევნო შეხვედრაში გამოვასწორებთ".

XXXIII ტური
16 აპრილი
ბოლონია-ტორინო 0:1
გოლი: 0:1 ბელოტი (90-პენ.)
ბოლონია (4-3-3): მირანტე - ოიკონომუ, როსეტინი, მაიეტა, კონსტანტი (60. მაზინა) - ტაიდერი (81. ბრიგი), დიავარა, ბრიენცა - ჯაკერინი, რიცო (46. ცუნიგა), ფლოკარი
ტორინო (3-5-2): პადელი - ბოვო, გლიკი, მორეტი - პერესი, ბაზელი, ვივესი (70. გაცი), ობი (80. ფარნერუდი), მოლონარო - მარტინესი, ბელოტი
გაფრთხილება: მირანტე, როსეტინი, ბრუენცა, მაზინა - ბოვო
კუთხური: 4-3; ჯარიმა: 14-16; თამაშგარე: 2-1; კარში დარტყმა: 6-6 (1-3); ბურთის ფლობა: 53%-47%.
მაყურებელი: 20 000

კარპი-ჯენოა 4:1
გოლები: 0:1 პავოლეტი (34), 1:1 დი გაუდიო (45), 2:1 ლოლო (45), 3:1 პაშუტი (49), 4:1 საბელი (85)
კარპი (4-4-1-1): ბელეჩი - ლეტიცია, რომანიოლი, პოლი, გალიოლო - პაშუტი, ბიანკო, კოფიე (79. კრიმი), დი გაუდიო (61. საბელი) - ლოლო (52. ლაზანია) - მბაკოგუ
ჯენოა (3-5-2): ლამანა - იძო, დე მაიო, მარკეზე (76. კაპელი) - ანსალდი, პანაიოტისი, ჯემაილი, რიგონი (46. ფლამოცი), ლაქსალტი - ჩერჩი (46. ლაზოვიჩი), პავოლეტი
გაფრთხილება: პოლი, გალიოლო, ლოლო, მბაკოგუ (კარპი)
გაძევება: იძო (45. ჯენოა)
კუთხური: 3-7; ჯარიმა: 17-22; თამაშგარე: 0-3; კარში დარტყმა: 15-9 (10-3); ბურთის ფლობა: 49%-51%.
მაყურებელი: 10 000

ინტერი-ნაპოლი 2:0
გოლები: 1:0 იკარდი (4), 2:0 ბროზოვიჩი (44)
ინტერი (4-2-3-1): ჰანდანოვიჩი - დამბროზიო, მურილიო, მირანდა, ნაგატომო - მედელი, კონდოგბია (68. ბიაბიანი) - ბროზოვიჩი, იოვეტიჩი (77. მელო), პერიშიჩი - იკარდი (88. პალასიო)
ნაპოლი (4-3-3): რეინა - ჰიუსაი, ალბიოლი, კულიბალი, სტრინიჩი (50. გულამი) - ალანი, ჟორჟინიო (77. ელ ქადური), ჰამშიკი - ინსინიე (51. მერტენსი), კალეხონი, გაბიადინი
გაფრთხილება: ნაგატომო, მურილიო, პერიშიჩი, კონდოგბია - ალბიოლი, ჟორჟინიო, მერტენსი
კუთხური: 6-6; ჯარიმა: 17-11; თამაშგარე: 1-2; კარში დარტყმა: 6-9 (4-2); ბურთის ფლობა: 36%-64%.
მაყურებელი: 60 000

17 აპრილი
ატალანტა-რომა 3:3
გოლები: 0:1 დინე (23), 0:2 ნაინგოლანი (27), 1:2 დალესანდრო (33), 2:2 ბორიელო (37), 3:2 ბორიელო (50), 3:3 ტოტი (85)
ატალანტა (4-3-3): სპორტიელო - მაზიელო, პალეტა, ტოლოი, დრამე - ფრეულერი, მილიაჩო, კურტიჩი - დალესანდრო (75. რაიმონდი), გომესი (90. ბრივიო), ბორიელო (84. პინილია)
რომა (4-3-1-2): სჩესნი - რუდიგერი, მანოლასი, ზუკანოვიჩი (54. ელ შაარავი), დინე (33. ემერსონი) - ფლორენცი, დე როსი (78. ტოტი), ნაინგოლანი - პეროტი - სალაჰი, ჯეკო
გაფრთხილება: მაზიელო, კურტიჩი, ბორიელო, რაიმონდი - ზუკანოვიჩი, მანოლასი, დე როსი, ჯეკო
კუთხური: 7-6; ჯარიმა: 12-8; თამაშგარე: 2-2; კარში დარტყმა: 9-14 (3-7); ბურთის ფლობა: 39%-61%.
მაყურებელი: 20 000

ფიორენტინა-სასუოლო 3:1
გოლები: 1:0 გონსალო (10), 1:1 ბერარდი (55), 2:1 ილიჩიჩი (57), 3:1 კონსილი (83-პენ.)
ფიორენტინა (4-2-3-1): ტატარუშანუ - ტომოვიჩი, გონსალო, რონკალია, ალონსო - ვესინო, ბადელი - ტელიო (70. ბერნარდესკი), ილიჩიჩი (77. სარატე), ბორხა ვალერო (88. ბლაშიკოვსკი) - კალინიჩი
სასუოლო (4-3-3): კონსილი - ვრსალკო (73. ადაპონგი), აჩერბი, კანავარო, პელუზო - პელეგრინი (76. ფალჩინელი), მანიანელი, დანკანი - პოლიტანო (69. სანსონე), ბერარდი, დეფრელი
გაფრთხილება: ტელიო - პელუზო, ვრსალკო, ბერარდი
კუთხური: 7-6; ჯარიმა: 17-14; თამაშგარე: 4-0; კარში დარტყმა: 12-7 (6-2); ბურთის ფლობა: 52%-48%.
მაყურებელი: 28 000

ვერონა-ფროზინონე 1:2
გოლები: 0:1 რუსო (15), 1:1 ბიანკეტი (64), 1:2 ფრარა (90)
ვერონა (4-2-3-1): გოლინი - პიზანო, ბიანკეტი, ჰელანდერი (21. მორასი), ალბერტაცი (80. ვსზოლეკი) - ვივიანი, იონიცა - იანკოვიჩი (46. პაცინი), ტალები, ემანუელსონი - ტონი
ფროზინონე (4-3-3): ლეალი - როზი, რუსო, პრუმა, კრიველო - გუჩერი (86. სოდიმო), გორი (71. კარლინი), ფრარა - კრაგლი (46. ჩიბსა), პაგანინი, დ. ჩოფანი
გაფრთხილება: ბიანკეტი, ვივიანი, ტონი - კრიველო, ფრარა, პაგანინი
კუთხური: 4-5; ჯარიმა: 23-22; თამაშგარე: 1-2; კარში დარტყმა: 12-8 (5-2); ბურთის ფლობა: 57%-43%.
მაყურებელი: 22 000

იუვენტუსი-პალერმო 4:0
გოლები: 1:0 ხედირა (10), 2:0 პოგბა (71), 3:0 კუადრადო (74), 4:0 პადოინი (90)
იუვენტუსი (3-5-2): ბუფონი - ბარძალი, ბონუჩი, რუგანი - კუადრადო, ხედირა (78. პადოინი), მარკიზიო (16. ლემინა), პოგბა, ევრა - დიბალა (68. მორატა), მანჯუკიჩი
პალერმო (3-5-2): სორენტინო - გოლდანიგა (73. ლა გუმინა), გონსალესი, ანდელკოვიჩი - რისპოლი, ჰილემარკი, მატო (59. ბრუგმანი), ჩოჩევი, ლაზაარი - ვასკესი, ტრაიკოვსკი
გაფრთხილება: ბარძალი, მორატა - გონსალესი, გოლდანიგა, ჰილემარკი
კუთხური: 9-5; ჯარიმა: 14-18; თამაშგარე: 0-0; კარში დარტყმა: 14-8 (6-4); ბურთის ფლობა: 63%-37%.
მაყურებელი: 40 000

უდინეზე-კიევო 0:0
უდინეზე (3-5-2): კარნეზისი - ვაგუე, დანილო, ფელიპე - ვიდმერი, კუზმანოვიჩი, ბადუ (51. ალფრედსონი), ფერნანდესი (89. ერტო), პასკუალე (56. ალი ადნანი) - საპატა, ტერო
კიევო (4-3-1-2): ბიძარი - კაჩატორე, გამბერინი (75. სპოლი), ცეზარი, გობი - კასტრო, რადოვანოვიჩი, ჰეტემაი - ბირსა (69. პეპე) - მეჯორინი, ინგლეზე (64. ფლორო ფლორესი)
გაფრთხილება: კუზმანოვიჩი, ფერნანდესი - ცეზარი, კაჩატორე, რადოვანოვიჩი
გაძევება: ფელიპე (77) - მეჯორინი (85)
კუთხური: 4-2; ჯარიმა: 15-19; თამაშგარე: 2-2; კარში დარტყმა: 11-4 (4-2); ბურთის ფლობა: 46%-54%.
მაყურებელი: 16 000

ლაციო-ემპოლი 2:0
გოლები: 1:0 კანდრევა (6-პენ.), 2:0 ონაზი (44)
ლაციო (4-3-3): მარკეტი - პატრიჩი (84. ბასტა), ჯენტილეტი, ჰოედტი, ლულიჩი - პაროლო, ბილია, ონაზი - კანდრევა, კეიტა (63. ანდერსონი), კლოზე (71. ჯორჯევიჩი)
ემპოლი (4-3-1-2): პელაგოტი - ლაურინი (19. ბიტანტე), კოშიჩი, კოსტა, მარიო რუი - ბუჩელი, პარედესი (68. ჰადჯი), კროჩე - საპონარა - პიუ (59. მჭედლიძე), პუჩარელი
გაფრთხილება: ბილია, პაროლო, კეიტა - კოშიჩი, მჭედლიძე
კუთხური: 5-2; ჯარიმა: 10-9; თამაშგარე: 1-1; კარში დარტყმა: 16-4 (6-1); ბურთის ფლობა: 47%-53%.
მაყურებელი: 35 000

სამპდორია-მილანი 0:1
გოლი: 0:1 ბაკა (71)
სამპდორია (3-4-3): ვივიანო - დიაკიტე, სილვესტრი, კასანი - დე სილვესტრი, ფერნანდო, კრსტიჩიჩი (66.Bბარეტო), დოდო - სორიანო (81. მურიელი), ალვარესი (56. კორეა), კვალიარელა
მილანი (4-4-2): დონარუმა - აბატე, ალექსი, რომანიოლი, ანტონელი - ბერტოლაჩი (54. პოლი), კუცკა, მონტოლივო, ბონავენტურა (88. ბოატენგი) - ბალოტელი, ბაკა (81. მენეზი)
გაფრთხილება: კრსტიჩიჩი, ფერნანდო, დე სილვესტრი - პოლი, კუცკა
კუთხური: 5-7; ჯარიმა: 16-15; თამაშგარე: 2-1; კარში დარტყმა: 6-10 (3-3); ბურთის ფლობა: 43%-57%.
მაყურებელი: 21 000

ბომბარდირები: 30 - გონსალო იგუაინი (ნაპოლი); 15 - კარლოს ბაკა (მილანი), მაურო იკარდი (ინტერი); 14 - პაულო დიბალა (იუვენტუსი); 13 - იოსიპ ილიჩიჩი (ფიორენტინა).

მომდევნო ტური
19 აპრილი:
ნაპოლი-ბოლონია

20 აპრილი:
სასუოლო-სამპდორია, პალერმო-ატალანტა, უდინეზე-ფიორენტინა, კიევო-ფროზინონე, ემპოლი-ვერონა, ჯენოა-ინტერი, იუვენტუსი-ლაციო, რომა-ტორინო

21 აპრილი:
მილანი-კარპი.

ყოველდღიური სპორტული გაზეთი "ლელო"