თუ "გაძეტა დელო სპორტს" დავუჯერებთ, გადაწყვეტილი ამბავია, რომ მირალემ პიანიჩი "იუვენტუსში" გააგრძელებს კარიერას. 26 წლის ნახევარმცველის სატრანსფერო ფასი 38 მილიონი ევრო იყო, თუმცა ტურინელებმა "რომას" მესვეურებთან ვაჭრობა გამართეს და 32 მილიონ ევროზე დაითანხმეს.
შეგახსენებთ, რომ პიანიჩი დედაქალაქურ გუნდში 2011 წლიდან თამაშობდა. ამ პერიოდში 159 მატჩი გამართა და 27 გოლი გაიტანა.
ამასობაში, სულ უფრო აქტიურად საუბრობენ მატეო დარმიანის "იუვენტუსში" შესაძლო გადაბარგების შესახებ. ინგლისურ პრესაში დაიწერა, რომ "მანჩესტერ იუნაიტედის" 26 წლის მცველი ჟოზე მოურინიოს გეგმებში ვერ ჯდება და პორტუგალიელი მისი გაშვების მომხრეა.
ყოველდღიური სპორტული გაზეთი "ლელო"
![ხვიჩა ნაადრევად შეცვალეს - "ნაპოლიმ" "რომა" დაამარცხა და ლიდერობა დაიბრუნა [VIDEO]](/pictures/image7/240ab75a036025365d13f8e710c768a8.jpg "ხვიჩა ნაადრევად შეცვალეს - \"ნაპოლიმ\" \"რომა\" დაამარცხა და ლიდერობა დაიბრუნა [VIDEO]")
