საფრანგეთის ნაკრების კაპიტანმა ალუ დიარამ, რომელიც "ბორდოში" თამაშობს, ქვეყნის ჩემპიონატის მატჩში აბიტრისთვის ხელის კვრის გამო 6 მატჩიანი დისკვალიფიაკაცია მიიღო. ინციდენტი 16 ოქტომბერს "ოსერთან" თამაშისას მოხდა. მატჩი "ბორდოს" გამარჯვებით 1:0 დასრულდა. მაშინ დიარა მოედნიდან გააძევეს.
მეორე ტაიმში შეხვედრის მთავარმა მსაჯმა ვილფრედ ბიანმა ნახევარმცველს ყვითელი ბარათი უჩვენა, დიარამ კი, არ დაეთანხმა რა რეფერის გადაწყვეტილებას, მას ორივე ხელი მკერდში ჰკრა. ამის შემდეგ ბიანმა მოთამაშეს მეორე გაფრთხილება მისცა და მოედნიდან გააძევა. მინდვრის დატოვებამდე დიარამ არბიტრს ბოდიში მოუხადა.
21 ოქტომბერს დიარამ დროებითი დისკვალიფიკაცია მიიღო, მისი დასჯის
საბოლოო გადაწყვეტილება კი 4 ნოემბერს გამოიტანეს. ასე რომ, 6 დისკვალიფიცირებული მატჩიდან დიარამ სამი უკვე მოიხადა. მან გამოტოვა საფრანგეთის ჩემპიონატის თამაშები "ბრესტთან" და "მონაკოსთან", ასევე სათასო მატჩი "სენტ-ეტიენთან".
მომზადებულია Associated Press-ის მიხედვით
