“აიაქსის” ფანკლუბის 30 ათასი წევრის გამოკითხვამ ლუის ვან გაალისთვის შოკისმომგვრელი რეალობა დააფიქსირა - გულშემატკივარს ის არ უყვარს. ამსტერდამულ კლუბში მის ტექნიკურ დირექტორად დაბრუნებას გამოკითხულთა 67% ეწინააღმდეგება. არადა, მათ ვან გაალთან შეგუება თავიდან მოუწევთ, რადგან კლუბის დირექტორთა საბჭომ ლეგენდარულ მწვრთნელს ხელშეკრულება უკვე გაუფორმა, რომელიც 2012 წლის 1-ელ ივლისს შედის ძალაში. მოწინააღმდეგეთა მოტივაცია განსხვავებულია.
“მე შემიძლია წარმოვიდგინო ლუისი მწვრთნელად. მას ჩვენთან 90-იანებში ბრწყინვალე შედეგები ჰქონდა. მაგრამ წარმოდგენა არ მაქვს, როგორი მმართველი შეიძლება გამოვიდეს მისგან,” - აცხადებს ერთი.
“მისი მოსვლა იმიტომ არ მინდა,
“აიაქსის” გულშემატკივრებს რატომღაც ძალიან ეშინიათ, რომ ვან გაალის გუნდში მოსვლა სწორედ ბერგკამპისა და იონკის დუეტს შეავიწროებს და ახალგაზრდა ფუნქციონერები გუნდში მუშაობას აღარ მოისურვებენ, მიუხედავად იმისა, რომ ისინი იოჰან კრუიფის ფავორიტებად მიიჩნევიან. ეს დუეტი “აიაქსში” ცოტა ხანია, რაც მუშაობს. მათ “აიაქსთან” ხანგრძლივი კონტრაქტები აკავშირებთ. იონკი და ბერგკამპი ძირითად აქცენტს ახალგაზრდულ გუნდებთან მუშაობაზე აკეთებენ. დაუთმობს თუ არა ვან გაალი მათ მისთვის ეგრე რიგად საყვარელ სამუშაოს, ამას მომავალი გვიჩვენებს.
ყოველდღიური სპორტული გაზეთი "ლელო"
