თავად ტოშაკმა ითქვა, კარგი იქნებოდა, ეს პოსტი რაიან გიგზმა ჩაიბაროსო და ამ იდეას სოლიდური მხარდამჭერიც ჰყოლია – ასოციაციის ახალი აღმასრულებელი შეფი ჯონათან ფორდი. "მანჩესტერ იუნაიტედის" ვეტერანს საკუთარი პოზიცია ჯერჯერობით არ დაუფიქსირებია, სამაგიეროდ, ნაკრების თავკაცობის სურვილი სხვა ვეტერანმა უელსელმა გამოთქვა.
ორ წელიწადზე მეტია, რაც ჯონ ჰართსონმა ბუცები კედელზე ჩამოკიდა და მას შემდეგ ფეხბურთთან შეხება საერთოდ არ ჰქონია –
ახლა კი ჯონ ჰართსონს საყვარელ საქმესთან დაბრუნება გადაუწყვეტია, ოღონდ მისთვის ჯერჯერობით ახალ ამპლუაში. "არ ვიცი, რამდენად სერიოზულად განიხილავენ ასოციაციაში ჩემს კანდიდატურას, მაგრამ თუკი მათგან წინადადება იქნება, აუცილებლად დავთანხმდები. საუკეთესო მწვრთნელებთან მიმუშავია და მათგან ბევრი რამ ვისწავლე", - უთხრა ყოფილმა ფორვარდმა BBC-ს.
ჰართსონი არ ტყუის: ინგლისელები - დევიდ პლიტი, ჰარი რედნაპი, მარტინ ო"ნილი, ტონი მოუბრეი, გლენ რიოდერი, ბობი გოულდი; შოტლანდიელები - ჯორჯ გრემი, ბრიუს რიოჩი, გორდონ სტრაჩანი, უელსელები – მარკ ჰიუზი, ჯონ ტოშაკი; ფრანგი არსენ ვენგერი; ნორვეგიელი ეგილ ოლსენი – ეს იმ მწვრთნელთა სრული ჩამონათვალია, ვისი ხელმძღვანელობითაც ჯონ ჰართსონს ფეხბურთი უთამაშია.
