ეს ინფორმაცია გუშინ საფეხბურთო გერმანიისთვის ცაზე მეხის გავარდნასავით იყო, რადგან მანამდე არსად თქმულა, რომ ლოთარი ბულგარელებთან მოლაპარაკებებს აწარმოებდა. გუშინაც, ცნობა მხოლოდ მას მერე გავრცელდა, რაც ბულგარეთის ფეხბურთის ფედერაციის პრეზიდენტმა ბორისლავ მიხაილოვმა სპეციალურად მოწვეულ პრესკონფერენციაზე განაცხადა, რომ
ამრიგად, მათეუსი ხსენებულ პოსტზე სტანიმირ სტოილოვს შეცვლის. ეს უკანასკნელი კი იმიტომ გაათავისუფლეს, რომ საკვალიფიკაციო ეტაპის პირველი ორი თამაში წააგო (0:4 ინგლისთან და 0:1 ჩერნოგორიასთან). შედეგად, ბულგარეთის ნაკრებისთვის ევროპის ჩემპიონატზე მოხვედრა კითხვის ნიშნის ქვეშ დადგა, რასაც მოჰყვა კიდეც ეს სამწვრთნელო გადაადგილება.
ლოთარის დებიუტი ბულგარეთის ნაკრების თავკაცის რანგში საკვალიფიკაციო ეტაპის მესამე ტურში, 8 ოქტომბერს შედგება, როცა მისი ახალი გუნდი უელსს შეხვდება. შეგახსენებთ, რომ G ჯგუფში ინგლისთან, ჩერნოგორიასთან, უელსთან და ბულგარეთთან ერთად, შვეიცარიის ნაკრებიც თამაშობს, რომელსაც ლოთარის ყოფილი დამრიგებელი (ბაიერნში) ოტმარ ჰიტცფელდი წვრთნის. ბარემ ისიც ვთქვათ, რომ მათეუსსა და ჰიტცფელდს შორის პირველი დუელი 2011 წლის 26 მარტს შედგება.
ამრიგად, 16-თვიანი უმუშევრობის ხანა დასრულებულია - მათეუსს ისევ აქვს სამსახური, რასაც ასე ძალიან ნატრობდა. ლოთარი ბოლოს 2008/2009 წლების სეზონში ნეთანიის "მაქაბის" წვრთნიდა, სადაც დიდხანს ვერ გაძლო - ისევე, როგორც სხვა გუნდებში. უფრო ადრე კი მათეუსი ვენის "რაპიდს", ბელგრადის "პარტიზანს", ბრაზილიურ "ატლეტიკო პარანაენსეს" და უნგრეთის ნაკრებს ავარჯიშებდა. ზალცბურგის "რედ ბულში" კი, ლოთარი მთავარი მწვრთნელის, ჯოვანი ტრაპატონის თანაშემწე გახლდათ.
