"ეს არის ფეხბურთისთვის ისტორიული მომენტი. ახალი სისტემის გამოყენება აუცილებელი გახდება 150 ქვეყნის 3500 პროფესიული კლუბისთვის. ბოლო ათწლეული აგენტების მოღვაწეობას არ ვაკონტროლებდით და სავალალო შედეგიც მივიღეთ. საფეხბურთო კორუფციას დაუნდობელ ბრძოლას ვუცხადებთ. კლუბებსა და კომპანიებს შორის უკანონო ჩარიცხვებების გაკონტროლებას შევძლებთ და ფიქტიური ფეხბურთელების ტრანსფერებსაც აღვკვეთავთ.
მონიტორინგის კონცეფცია საკმაოდ მარტივია.
"ონლაინ სისტემაში ფიფას მოყუება ვეღარ მოხერხდება. თუკი მყიდველი და გამყიდველი საჭირო საბუთებს ვერ წარადგენენ, ფეხბურთელი კლუბის გამოცვლას ვერ შეძლებს. ყველა გადასვლა სატრანსფერო ფანჯრის დახურვამდე უნდა განხორციელდეს. არ უნდა შეიქმნას ისეთი სიტუაციები, რომელიც ანდრეი არშავინის "არსენალში" გადასვლისას შეიქმნა. დამდეგი პარასკევიდან თითოეული კლუბი სისტემაში რეგისტრაციას გაივლის", - განაცხადა ფიფას იურიდიულმა დირექტორმა მარკო ვილინგერმა.
