ხსენებული დერბი, მოგეხსენებათ, შოტლანდიური პრემიერლიგის ორი მთავარი გუნდის, „სელტიკისა“ და „რეინჯერსის“ შეხვედრას ეწოდება და თუკი დედამიწის ზურგზე, სადმე, ერთი ქალაქის ორი გუნდი სამკვდრო-საციცოცხლოდ არის ერთმანეთს დაპირისპირებული, ეს, უპირველეს ყოვლისა სწორედ გლაზგოელებზე ითქმის.
კვირას, „პარკჰედზე“ „რეინჯერსმა“ მოიგო 3:1. სტუმრების მიერ გატანილი სამი გოლიდან ერთი პენალტი გახლდათ – არბიტრმა უილიამ კოლამმა „რეინჯერსის“ სასარგებლოდ 67-ე წუთზე
აღსანიშნავია, რომ ბოლო ორ კვირაში ეს უკვე მეორე საჩივარია, რომელიც „სელტიკმა“ „ჰემპდენზე“ გააგზავნა – „ჰემპდენ პარკი“ სტადიონია გლაზგოში, სადაც შოტლანდიის ნაკრები თამაშობს და ქვეყნის ფეხბურთის ასოციაცია ბინადრობს. პირველი საჩივარი დანდიში „სელტიკის“ სასარგებლოდ პენალტის არ დანიშვნას ეხებოდა. იმ შეხვედრაში მსაჯი დაგლას მაკდონალდი გახლდათ – ლენონის გუნდმა 2:1 მოიგო.
ამასთან, ცნობილი გახდა, რომ დერბის წინ კოლამს მავანნი ურეკავდნენ და ემუქრებოდნენ. ლენონმა თქვა ამაში „სელტიკის“ დადანაშაულება სისულელე მგონიაო და არ გამორიცხა, რომ მსაჯს ასეთი ხმის გავრცელება „სელტიკის“ კარში უსამართლო პენალტის გადასავიწყებლად თავად დასჭირდა.
„მე ის კაცი არა ვარ, ვინც მსაჯებზე ზეწილას ახორციელებს – განაცხადა ლენონმა – მსაჯებზე საერთოდ, არც ვლაპარაკობ. პირველად დანდიში თამაშის შემდეგ ამოვიღე ხმა. და იცით, რას გეტყვით? ვინაიდან ვხედავ, რომ საეჭვო გადაწყვეტილებებს არბიტრები ძირითადად ჩვენს წინააღმდეგ იღებენ, უკვე უფლებას ვიტოვებ ხმაც ავიმაღლო და კითხვები დავსვა.
სამწუხაროდ, გასულ კვირას, დერბის შემდეგ მსაჯთან ლაპარაკის საშუალება არ მომეცა. ახლაც არ ვარ დარწმუნებული, რომ პენალტის ეპიზოდში მან ყველაფერი სწორედ დაინახა. ვფიქრობ, მომენტი ჩანაწერში თუ ნახა, მიხვდებოდა, რომ პენალტი ტყუილად დანიშნა“.
ყოველდღიური სპორტული გაზეთი
"ლელო"
