ფიფას 63-ე კონგრესის მონაწილეებმა ერთსულოვნად დაუჭირეს მხარი ორგანიზაციის წესებში შესატან ცვლილებების პროექტს, რომელიც საფეხბურთო აგენტების მუშაობას დაარეგულირებს. ინიციატივა ფიფას ფეხბურთელთა სტატუსის განმსაზღვრელი კომიტეტისა და ამავე დროს სადავო საკითხთა განმხილველი პალატის წევრ ჯეფ ტომპსონს ეკუთვნის. აქვე გეტყვით, კანონმდებლობაში შესატან რა ცვლილებებზეა ლაპარაკი:
1. უნდა შეიცვალოს აქამდე მოქმედი ლიცენზირების სისტემა;
2. წესებში ჩაიწეროს მინიმალური მოთხოვნები, რომელსაც აგენტობის პრეტენდენტი უნდა აკმაყოფილებდეს
3. შეიქმნას სისტემა, რომელიც აგენტების რეგისტრაციას უზრუნველყოფს.
აღნიშნული თემების დასამუშავებლად შეიქმნა სპეციალური სამუშაო ჯგუფი, რომელიც წესების ახალ რედაქციას უმაღლეს საფეხბურთო ორგანოს მომდევნო
კონგრესმა განიხილა მეორე მნიშვნელოვანი საკითხიც. საქმე ეხება გარიგებული თამაშების წინააღმდეგ ბრძოლას. საკითხის განხილვას მხარი დაუჭირა კონგრესის მონაწილეთა აბსოლუტურმა უმრავლესობამ. ამ მავნე პრაქტიკასთან საბრძოლველად ფიფა სამომავლოდ ცვლილებების შეტანას გეგმავს სადისციპლინოსა და ეთიკის კოდექსებში, ასევე მთელ რიგ სხვა დოკუმენტებშიც. უკვე გადაწყვეტილია, რომ ორგანიზაცია ამ საკითხის განხილვას მეტ სემინარს მიუძღვნის. ამას გარდა იგეგმება თანამშრომლობის გაღრმავება ინტერპოლთან, რათა უკვე გამოვლენილი გარიგებული თამაშების გამოძიება რაც შეიძლება სწრაფად წარიმართოს.
რასიზმი: დღის უმთავრესი თემა
შეიძლება უკვე დადგა კიდეც დრო, რომ ფეხბურთმა გადამწყვეტი დარტყმა მიაყენოს ისეთ საშინელ მოვლენას, როგორიც არის რასიზმი, რადგან, გადაჭარბების გარეშე შეიძლება იმის თქმა, რომ ის ძირს უთხრის მსოფლიოში სპორტის ყველაზე პოპულარული სახეობის განვითარებას. ფიფამ ახალი რეზოლუცია მიიღო რასიზმისა და დისკრიმინაციის წინააღმდეგ. აი, რა თქვა ზეპ ბლატერმა კონგრესის მონაწილეთა წინაშე გამოსვლისას:
"წელს ჩვენ უკვე რამდენჯერმე შევეჩეხეთ რასიზმის გამოვლენის უმახინჯეს ფორმებს, რაც ჩირქს სცხებს სრულიად საფეხბურთო სამყაროს. მე ვგულისხმობ სიძულვილის პოლიტიკას – რასიზმს, უმეცრებას, დისკრიმინაციას, აუტანლობას. ეს არის არაცივილიზებული, ამორალური ძალა, რომელიც თვითგანადგურებისკენ არის მიმართული და რომელიც ჩვენში მხოლოდ უარყოფით დამოკიდებულებას უნდა იწვევდეს. დიდი იმედი მაქვს ახალი მკაცრი რეზოლუციის, რომლითაც რასისტებს სერიოზულ შეტყობინებას ვუგზავნით".
ახალი დოკუმენტით დაკანონდება ახალი უმკაცრესი სანქციები რასიზმის გამოვლენის შემთხვევაში. რეზოლუციის თანახმად, ფეხბურთელი, ვინც მსგავს ქმედებებში იქნება შემჩნეული, მინიმუმ, 5-თამაშიან დისკვალიფიკაციას მიიღებს. ანალოგიურად დაისჯებიან საფეხბურთო სამყაროს სხვა წარმომადგენლებიც. ცალკე პუნქტი ეხება წესის დამრღვევ კლუბებს: შედარებით მსუბუქ შემთხვევაში, სუბიექტი მკაცრ გაფრთხილებას მიიღებს, გარკვეული თანხით დაჯარიმდება ან მომდევნო თამაშ(ებ)ს ცარიელი ტრიბუნების წინაშე გამართავს. ინციდენტის განმეორების შემთხვევაში კი კლუბს ჩემპიონატში ქულები დააკლდება ან სულაც შეჯიბრებიდან მოიკვეთება. თანაც ყოველი ასეთი საქმის განხილვა კიდევ უფრო სკულპულოზურად წარიმართება.
ყოველდღიური სპორტული გაზეთი "ლელო"
ასევე იხილეთ:
ფიფას დაგეგმილი რევოლუცია სატრანსფერო ბაზარზე
