რატომ ეკუთვნის "ოქროს ბურთი" ფრანკ რიბერის

ბრძოლა "ოქროს ბურთი 2013-ისთვის" ეშხში შედის - 13 იანვარს შევიტყობთ, ვინ იყო წლის საუკეთესო ფეხბურთელი პლანეტაზე.

პრეტენდენტი სამია: კრიშტიანო რონალდო (მადრიდის "რეალი", პორტუგალია, 28 წლის), ლიონელ მესი ("ბარსელონა", არგენტინა, 26 წლის) და ფრანკ რიბერი (მიუნხენის "ბაიერნი", საფრანგეთი, 30 წლის).

თქვენ წინაშეა სამი მართლაც საოცარი ფეხბურთელი, თუმცა ტიტული ერთია. მაშ ასე, რომელი მათგანი იმსახურებს "ოქროს ბურთს" უფრო?

"ლელო week" შეეცადა, გაერკვია ეს, თუმცა ჩვენ მიზეზებს ჩამოვთვლით, დასკვნა კი მკითხველისთვის მიგვინდვია.


კლუბი: ბაიერნი
ქვეყანა: საფრანგეთი
ასაკი: 30
დაიბადა: ბულონ სურ მერი, ნორ პა დე კალე (საფრ)
პოზიცია: გარემარბი
სიმაღლე: 170 სმ.
კარიერა: "ბულონი" (2000-02); "ალესი" (2002-2003); "ბრესტი" (2003-2004); "მეცი" (2004-2005); "გალათასარაი" (2005); მარსელი" (2005-2007); "ბაიერნი" (2007-დღემ დე).
2013 წელს ფრანკ რიბერიმ მიუნხენის "ბაიერნთან" ერთად ყველაფერი მოიგო, რისი მოგებაც საკლუბო ფეხბურთში შესაძლებელია: ჩემპიონთა ლიგა, ბუნდესლიგა და გერმანიის თასი.

იუპ ჰაინკესის გუნდმა საოცარი ჰეთთრიკი შეასრულა, მისი საუკეთესო ფეხბურთელი კი უდავოდ ფრანგი გარემარბი იყო.

უკვე ხოსეპ გვარდიოლას თავკაცობით, რიბერიმ უეფას სუპერთასიც მოიგო "ჩელსისთან" დაპირისპირებაში. წლის ბოლოს კი მსოფლიოს საკლუბო ჩემპიონატშიც გაიმარჯვა.

ერთადერთი საკლუბო ტურნირი, რომლიდანაც ფრანკი დამარცხებული გამოვიდა, გერმანიის სუპერთასია.

"ოქროს ბურთი" რომ გუნდური პრიზი იყოს, ის რიბერის ალალად ეკუთვნის, მაგრამ ის ინდივიდუალური ტიტულია. ინდივიდუალურად კი "ბაიერნის" სუპერ-წარმატებაში კიდევ რამდენიმე ფეხბურთელს მიუძღვის დიდი წვლილი.

2013 წლის განმავლობაში ფრანკი დიდებულად თამაშობდა, მაგრამ ნაკლებად ეფექტურად, ვიდრე მისი ორი კონკურენტი.

18 მაისი: "ბაიერნთან" ერთად ბუნდესლიგა მოიგო, 15 საგოლე პასით ჩემპიონატში ყველას აჯობა. ბოლო ტურში "გლადბახის" კარში დუბლი შეასრულა.

25 მაისი: "ბაიერნთან" ერთად გახდა ჩემპიონთა ლიგის გამარჯვებული.

29 აგვისტო: გახდა უეფას ევროპის წლის საუკეთესო ფეხბურთელი, აჯობა რა მესის და რონალდოს.

30 აგვისტო: ევროპის სუპერთასზე "ჩელსის" კარში გოლი გაიტანა, "ბაიერნმა" კი პენალტების სერიაში იმარჯვა.

10 სექტემბერი: მუნდიალის საკვალიფიკაციო მატჩში ბელარუსის წინააღმდეგ დუბლი გაახერხა.

23 ოქტომბერი: ჩემპიონთა ლიგაზე "პლზენის" კარში დუბლი შეასრულა.

7 დეკემბერი: "ვერდერის" 7:0 განადგურებაში დუბლი შეასრულა.

ყოველკვირეული ჟურნალი ლელო week