ავსტრალიაში მიმდინარე აზიის კონტინენტის პირველობაზე პლეი ოფები დაიწყო. პირველ შეხვედრაში სამხრეთ კორეის ნაკრებმა უზბეკეთის ნაკრებს მხოლოდ დამატებით დროში აჯობა. მელბურნში გოლები პირველ 90 წუთში არ გასულა, თუმცა დამატებით დროში "ლევერკუზენის" შემტევმა სონ ჰიუნ მინმა 104-ე და 120-ე წუთებზე დუბლი შეასრულა.
მეორე თამაში ბრისბენში გაიმართა, სადაც მასპინძელმა ავსტრალიელებმა 2:0 მოუგეს ჩინელებს. ავსტრალიელები გამარჯვებას ტიმ კეჰილს უნდა უმადლოდნენ, ვეტერანმა ფორვარდმა ფანტასტიკურად ითამაშა და დუბლი შეასრულა, მან 49-ე და 65-ე წუთებზე გაიტანა ჩინელთა კარში.
ყოველდღიური სპორტული გაზეთი "ლელო"
