ბრაზილიური ფეხბურთის ლეგენდა რონალდო "ფორტ-ლოდერდეილ სტრაიკერში" ითამაშებს.რონალდომ დაადასტურა ინფორმაცია, რომ იმ გუნდში ითამაშებს, რომლის მფლობელი თავად არის.
"მე უკვე ვთქვი, რომ ვითამაშებ, მაგრამ ეს მოგვიანებით მოხდება - აშშ-ის მეორე დივიზიონის პლეი ოფში", - თქვა რონალდომ Mundo Deportivo-სთან საუბარში.
აქვე გეტყვით, რომ ამას წინათ "ნიუ-იორკ კოსმოსის" გუნდში ლეგენდარული ესპანელი ფეხბურთელის, რაულის დებიუტი შედგა.
შეგახსენებთ, რომ რონალდო "კრუზეიროში", პსვ-ში, "ბარსელონაში", მილანის "ინტერში" მადრიდის "რეალში", "მილანსა" და "კორინთიანსში" თამაშობდა. 2011 წელს ბრაზილიელმა ფეხბურთელმა სწორედ ამ უკანასკნელ კლუბში დაასრულა კარიერა.
