ლიონელ მესი თუ კრიშტიანო რონალდო? ეს კითხვა უმთავრესია დღევანდელ ფეხბურთში. ფეხბურთში, ისევე, როგორც ცხოვრებაში, გემოვნებაზე არ დავობენ...რონალდისტები
მარიო გიოტცე: მე ვარ გერმანელი მესი? მირჩევნია, გერმანელი რონალდო ვიყო.ლუიშ ფელიპე სკოლარი: მესი ფანტასტიკურია, მაგრამ რონალდო კიდევ უფრო ძლიერია. ჩემი აზრით, რონალდო საუკეთესოა მსოფლიოში.
ჟორჟე მენდეში: რონალდო უფრო სრულყოფილია, ვიდრე მესი.
რადამელ ფალკაო: მესი და რონალდო საუკეთესოები არიან. ამ ორს შორის კი საუკეთესო კრიშტიანოა.
სერხიო რამოსი: მესის არ ვუფრთხი. მე არასოდეს შემშინებია მოწინააღმდეგის. კრიშტიანო საუკეთესოა. მერე მოდის მესი.
ჩიჩარიტო: რონალდო საუკეთესოა მსოფლიოში.
არსენ ვენგერი: როცა მესი ხედავს, რომ რონალდოს მასზე მეტი გააქვს, უბედური ხდება და საბრძოლო სულისკვეთებას კარგავს.
რიკარდო კუარეშმა: ჩვენ მივეჩვიეთ ამ ორი ფეხბურთელის შედარებას, თუმცა ყველამ იცის, რომ კრიშტიანო პირველია.
ზინედინ ზიდანი: რონალდო უცხოპლანეტელივით თამაშობს. თუ ის ასე გააგრძელებს, მაშინ ჯილდოების რაოდენობით ალბათ გადაასწრებს არგენტინელს.
პეპე: რონალდოს რამდენიმეწლიანი დომინაციის შემდეგ, მესი დღეს საუკეთესოა.
ალექს ფერგიუსონი: რონალდო რომ ათამაშო ინგლისის ქვედა დივიზიონის გუნდში, ჰეთ თრიკს შეასრულებს. არ ვარ დარწმუნებული, რომ მესი იმავეს შეძლებს. კრიშტიანოს ყველგან შეუძლია ითამაშოს, მესი კი "ბარსელონას" ფეხბურთელია.
კლაუდიო ჯენტილე: ბოლო მუნდიალზე მე მესის კარგი თამაში ვერ ვნახე. მარადონამ კი მარტომ მოიგო მსოფლიოს ჩემპიონატი. რონალდო უკეთესია.
კაკა: რონალდო მეტად განვითარებულია და უფრო დიდი პროფესიონალია ის ჩემი დიდი მეგობარია.
მესისტები
ფელიპე მელო: რონალდო დიდებულია, მაგრამ მესი საუკეთესოა.დევიდ ბექემი: მესი წარმოუდგენელ დონეზე თამაშობს. რონალდო ძალიან ძლიერია, მაგრამ ამ სიმაღლეზე ვერ მივა. მეეჭვება, მესის დონეზე ოდესმე ვინმემ ითამაშოს ფეხბურთი.
ისკო: მე ჩემს ძაღლს დავარქვი მესი. ჩემი ძაღლიც საუკეთესოა მსოფლიოში და მესიც.
გუტი: მესი მსოფლიოს ნომერ პირველი ფეხბურთელია. რონალდო მას მცირედით, მაგრამ მაინც ჩამორჩება.
ზეპ ბლატერი: მესი დიდებული ბიჭია. ის მინდორზე თითქოს ცეკვავს. მესისნაირ შვილს ყველა ინატრებდა ოჯახში. რონალდო ნამდვილი კომანდორია მინდორზე. ერთი პარიკმახერებში გაცილებით მეტ დროს ატარებს, ვიდრე მეორე. მე არ ვიცი, ვინ არის საუკეთესო მათ შორის. პირად არჩევანს ვაკეთებ მესის სასარგებლოდ.
ხორხე ვალდანო: მესი პირველია. მეორეა დაშავებული მესი.
რონალდინიო: კრიშტიანოს აგიჟებს ის, რომ მას მესის ეპოქაში მოუწია ცხოვრება და თამაში.
რონალდო: თუ საუკეთესოს არჩევა აუცილებელია, დავასახელებდი მესის, როგორც ტექნიკურად უფრო სრულყოფილს.
ჯიჯი ბუფონი: შეიძლება, კონკრეტულ შემთხვევაში რონალდო უკეთესია, მაგრამ საუკეთესო მაინც მესია.
ანდრეშ ვილაშ-ბოაში: რონალდომ დამსახურებულად მოიგო "ოქროს ბურთი". მან ბოლო წლის განმავლობაში უდიდესი პროგრესი განიცადა, მაგრამ მესი მაინც რჩება ფეხბურთის ისტორიაში საუკეთესო მოთამაშედ.
სერხიო აგერო: მესი სხვა პლანეტიდან მოვიდა ჩვენთან. წელიწადში 1 გოლი რომ გაიტანოს, ის მაინც საუკეთესო იქნება. რონალდო კარგია, მაგრამ არ ორი ფეხბურთელის შედარება არ შეიძლება.
ჟოზე მოურინიო: მესი დიდია. ეს დამტკიცებულია. მას ამისთვის არ სჭირდება მუნდიალის მოგება. რონალდოც დიდია. არც მას სჭირდება მსოფლიოს ჩემპიონობა ამის დასამტკიცებლად, მაგრამ...
ალესანდრო ნესტა: ერთ სეზონში მე ოთხჯერ ვითამაშე მესის წინააღმდეგ და ამაში გამიმართლა, მაგრამ არ გამიმართლა იმაში, რომ უკვე მოხუცი ვიყავი. მესი განსაკუთრებულია. მას შეუძლია, წამში 10 ფინტი ჩაატაროს. სხვა ასეთი ფეხბურთელი არ მინახავს.
კოკე: რონალდო ათლეტია, მესი - ღმერთი. ყველა გუნდს სჭირდება ისეთი ფეხბურთელი, მე ჩემს გუნდში მესის ავიყვანდი.
ხრისტო სტოიჩკოვი: მესი მუდამ საუკეთესოდ დარჩება.
დიეგო სიმეონე: ერთი მესი უფრო სახიფათოა, ვიდრე რეალის სამეული, რონალდოს, ბეილისა და ბენზემას შემადგენლობით.
რაული: მესი საუკეთესოა. მე ვითამაშე ზიდანის, ფიგუს, რონალდოსთან ერთად, მაგრამ არგენტინელი სულ სხვაა.
ჯო ბარტონი: არ მჯერა, რომ ვინმეს მესის რონალდო ურჩევნია. არგენტინელი სულ სხვა თამაშს თამაშობს.
ყოველდღიური სპორტული გაზეთი "ლელო"
