აი, ვინ დაბრუნდა ფეხბურთში: "მანჩესტერ იუნაიტედის" ლეგენდა ერიკ კანტონა. განა ვინმე წარმოიდგენდა, რომ ფრანგი ვარსკვლავი ნიუ იუორკის "კოსმოსის" საფეხბურთო დირექტორი გახდებოდა. კანტონამ თქვა:`ნიუ იორკის ლეგენდარულ გუნდში მუშაობა ჩემთვის დიდი პატივია. ეს ძალიან დიდი და შესანიშნავი პროეტია. `კოსმოსი~ საუცხოო წარმონაქმნია, რომელსაც დიდი წარსული ჰქონდა. ის ფეხბურთისა და ხელოვნების საინტერესო ნაზავს წარმოადგენს~.
კანტონა აპირებს ამერიკის ხუთგზის ჩემპიონს ძველი დიდების დღეები დაუბრუნოს და იგი მსოფლიოს ერთ-ერთ უძლიერეს კლუბად აქციოს. მან განაგრძო:
`მე ყველა ღონეს ვიზამ, რათა კლუბი რაც შეიძლება გაძლიერდეს. უპირველეს ყოვლისა
კანტონა საზოგადოებას საზეიმოდ წარუდგინა `კოსმოსის~ თავმჯდომარემ პოლ კიმსლიმ რომელიც თავის დროზე `ტოტენჰემ ჰოთსპურის~ ვიცე თავმჯდომარე იყო. `კოსმოსი~ დიდ ფეხბურთში დაბრუნებას 2013 წელს ვარაუდობს. კიმსლიმ თქვა:
`სამი წლის წინ, როდესაც ნიუ იორკის `კოსმოსის~ აღდგენისა და აღორძინების იდეა გამიჩნდა ვერც კი წარმოვიდგენდი, რომ სამუშაოდ ისეთ ლეგენდარულ ადამიანს მოვიწვევდი როგორიც ერიკ კანტონაა. ის ჩემი კერპი იყო და მასთან თანამშრომლობა აღმაფრთოვანებს. გარდა ამისა, არის პრაქტიკული სარგებელიც: კანტონას სახელი მთელს მსოფლიოში მიიპყრობს ხალხის ყურადღებას და ყველას აჩვენებს, რომ `კოსმოსი~ მძლავრი კლუბია~.
კანტონას ამოცანაა კიმსლის დაეხმაროს იმ გუნდის შეკრებაში, რომელიც ორი წლის შემდეგ მოედანზე გავა.
`კოსმოსი~ 1985 წელს დაიხურა, როდესაც ჩრდილო ამერიკის ფეხბურთის ლიგამ დაასრულა თავისი არსებობა. პოლ კიმსლიმ სახელი და უფლებები 2 მილიონ დოლარად იყიდა და ვარსკვლავების შემოკრებას მიჰყო ხელი: პრეზიდენტად ამალმა მეპატრონემ პელე მიიყვანა. ტერი ბირნი, დევიდ ბექჰემის ძველი მწვრთნელი ვიცე თავმჯდომარეა, ხოლო `ლივერპულის~ ყოფილი აღმასრულებელი თავმჯდომარე რიკი პერი დირექტორი გახლავთ. ამერიკელმა ვარსკვლავმა კობი ჯონსმა `ლოს ანჯელეს გელექსიში~ მუშაობას დაანება თავი, რათა კანტონას მსგავსად სპორტული დირექტორის თანამდებობა დაეკავებინა. ამბობენ, რომ მალე დევიდ ბექჰემიც ნიუ იორკის გზას გაუდგება.
