13:08 დავიწყოთ დღის პირველი ოფიციალური ინფორმაციით: "მანჩესტერ სიტიმ" შეიძინა "ფულჰემის" მოთამაშე პატრიკ რობერტსი. იუნიორში საკმაოდ დიდი თანხა გადაიხადეს - 15,5 მილიონი ევრო.13:16 ჟურნალისტ ალფრედო პედულას სენსაციური ინფორმაცია: პირველი აგვისტოს შემდეგ ზლატან იბრაჰიმოვიჩი "მილანში" გადავა. შვედი ყოფილ კლუბთან სამწლიან კონტრაქტს გააფორმებს.
13:30 კიევის "დინამო", შესაძლოა, თავისი ერთ-ერთი ლიდერის, იარმოლენკოს გარეშე დარჩეს. "სტოკ სიტი" მზად არის, უკრაინელ ნახევარმცველში 13,5 მილიონი გირვანქა გადაიხადოს, - წერს Daily Mirror-ი.
13:40 თურქული კლუბები აგრძელებენ ვარსკვლავებზე ნადირობას. Sky Sport Italia-სთვის ცნობილი გახდა, რომ "ანტალიასფორი" მზად არის,
13:47 არგენტინის ნაკრების მეკარემ, სერხიო რომერომ შესაძლოა, "მანჩესტერ იუნაიტედის" რიგები შეავსოს. იმავე Sky Sport Italia-მ დაწერა, რომ ინგლისელები რომეროს წელიწადში 2 მილიონ ევროს გადაუხდიან. არგენტინელი თავისუფალი აგენტია, რადგან პირველ ივლისს ამოეწურა კონტრაქტი "სამპდორიასთან".
14:05 "რივერ პლეიტისა" და კოლუმბიის ნაკრების ფორვარდი ტეიფილო გუტიერესი "სპორტინგის" მოთამაშე გახდა. ლისაბონური კლუბის ვებგვერდი წერს, რომ ფეხბურთელმა "3+1" სისტემით გააფორმა კონტრაქტი.
14:07 "დორტმუნდის" მარცხენა მცველი მარსელ შმელცერი "რომას" ინტერესთა სფეროში მოექცა. La Gazzetta dello Sport-მა გაარკვია, რომ რომაელებს შეუძლიათ გერმანელში 7-8 მილიონი ევროს გადახდა.
14:10 როგორც ჩანს, "ლივერპული" საბოლოოდ გახდა კრისტიან ბენტეკეს მფლობელი. ჟურნალისტები დეტალებს არკვევენ.
14:16 Le Parisien-ი იტყობინება, რომ პსჟ-მ კონტრაქტი უნდა გააფორმოს ბენჟამინ სტამბულისთან. ფეხბურთელი პარიზულ კლუბთან ხუთწლიან ხელშეკრულებას მოაწერს ხელს.
14:25 ხოსე ხურადოს შემდეგ "სპარტაკი", შესაძლოა, დატოვოს სერდარ ტასკიმ, რომლის შეძენა თურქეთის "ტრაბზონს" სურს. Fanatik-ი ვარაუდობს, რომ თურქული კლუბი მზად არის, მცველში 2.5 მილიონი ევრო გადაიხადოს.
14:40 "ინტერი" და "მილანი" მზად არიან ფეხბურთელების გაცვლისთვის. "როსონერის" იმედი აქვს, რომ ფრედი გუარინს მიიღებს, საპირისპირო მიმართულებით კი ალესიო ჩერჩი გაემგზავრება. Tuttosport-ს მიაჩნია, რომ გარიგება უახლოეს დროში გაფორმდება.
14:37 La Gazzetta dello Sport-ი წერს, რომ მარიო გიოტცე კიდევ უფრო მიუახლოვდა ტურინს. გამოცემის ცნობით, ნახევარმცველმა უკვე შეათანხმა პირადი კონტრაქტის დეტალები, რომლის მიხედვით, ხუთი წლით გახდება "იუვენტუსის" ფეხბურთელი სეზონში 6 მილიონი ევროს ოდენობის ხელფასით. თუ ინფორმაცია სიმართლეს შეესაბამება, "ბებერ სინიორას" რჩება "ბაიერნთან" კომპენსაციაზე მოლაპარაკება.
15:07 პსჟ ცენტრალურ მცველს ეძებს. ერთ-ერთი კანდიდატია "გალათასარაის" მცველი ალექს ტელესი, რომელმაც გასულ წელს, თურქეთის ჩემპიონატში 22 მატჩი ჩაატარა, ჩემპიონთა ლიგაზე - ხუთი. პარიზელები მზად არიან, მოთამაშეში 10 მილიონი ევრო გადაიხადონ.
15:17 თითქმის ასი პროცენტით დადასტურებულია, რომ სამირ ჰანდანოვიჩი "ინტერში" დარჩება. La Gazzetta Dello Sport-ის ინფორმაციით, 31 წლის მეკარე იტალიურ კლუბთან ოთხი წლით გაახანგრძლივებს კონტრაქტს და წელიწადში 2.5 მილიონ ევროს მიიღებს.
15:25 გარდა ამისა, "ინტერი" დაინტერესებულია გერმანული "სანკტ-პაულის" ვუნდერკინდით, 16 წლის სემ შრეკით. ცნობა თავად ფეხბურთელმა დაადასტურა. როგორც Bild-ი წერს, შრეკს "რეალი" და "ჩელსიც" აკვირდებიან.
15:39 Fichajes-ი იტყობინება, რომ "ლივერპული" ისევ ფიქრობს ასიერ ილიარამენდის შეძენას. "წითლები" ბასკ ფეხბურთელში 20 მილიონ ევროს იხდიან. თითქოს ბენიტესს არ სჭირდება ეს ფეხბურთელი, მაგრამ გუშინ, "რომასთან" ამხანაგურ მატჩში სასტარტო შემადგენლობაში ათამაშა.
15:45 "რეალ სოსიედადს" სურს "ლივერპულიდან" ფაბიო ბორინის აყვანა. დევიდ მოიესი იტალიელს ალფრედ ფინბოგასონის შემცვლელად განიხილავს.
16:01 "ვალენსია" ტრავმირებული დიეგო ალვეშის შესაცვლელად "სპორტინგის" მეკარე რუი პატრისიოს მიადგა. 27 წლის პორტუგალიელის ფასი 15 მილიონი ევროა. ასევე განიხილება "მანჩესტერ იუნაიტედიდან" გაგდებული ვიქტორ ვალდესის კანდიდატურა.
16:11 აქსელ ვიტსელი დაეხმარა "ზენიტს" რუსეთის ჩემპიონატის პირველ ტურში "დინამოს" დამარცხებაში, მაგრამ უკვე ამ კვირას შესაძლოა, სხვა კლუბის მაისურში გამოეწყოს. "ჩელსიმ" მიაღწია "ზენიტთან" შეთანხმებას 23-მილიონიან ტრანსფერზე.
16:31 Kicker-ი წერს, რომ პიერ-ემერიკ ობამეიანგი "არსენალში" არ გადავა. ეს განაცხადა "დორტმუნდის" სპორტულმა დირექტორმა მიხაელ ცორკმა.
17:05 როგორც ჩანს, "ასტონ ვილა" გახდება ის კლუბი, რომელიც სათამაშო პრაქტიკას მისცემს ემანუელ ადებაიორს. "ტოტენჰემის" ფორვარდი კრისტიან ბენტეკეს შემცვლელად განიხილება.
17:28 ალექსანდრ ლაკაზეტმა გამორიცხა სხვა გუნდში გადასვლა. "შემიძლია ყველას ვუთხრა, რომ არ ვფიქრობ სხვა გუნდში გადასვლაზე. ამის შესახებ უკვე ვუთხარი "ლიონის" მწვრთნელსა და პრეზიდენტს", - განაცხადა ESPN-თან კომენტარში ფორვარდმა.
17:39 ედინ ჯეკო, რომელმაც კვირის ბოლოს უარი თქვა "რომაში" გადასვლაზე, შესაძლოა, ლონდონში აღმოჩნდეს. მას თავის რიგებში "არსენალი" ელოდება.
17:46 ჟურნალისტ ტანკრედი პალმიერის საიდუმლო ინფორმაცია აქვს - მარიო გომესი თურქეთის ჩემპიონატში მოთამაშე ვარსკვლავების სიას შეავსებს. "ბეშიქთაშს" დარჩენილი აქვს გერმანელთან კონტრაქტზე შეთანხმება.
18:03 "მანჩესტერ იუნაიტედი" მომავალ კვირას "ბარსელონას" პედროს შეძენის წინადადებით მიმართავს. ინგლისელები მზად არიან, 18-20 მილიონი გირვანქა გაიღონ.
18:23 Tuttosport-ი წერს, რომ რაფა ბენიტესს იმედი აქვს - მომავალ კვირას, "რეალის" ვარჯიშზე იხილოს ფერნანდო ლორენტე.
18:43 მოსკოვის "სპარტაკი" 6 მილიონ გირვანქას მიიღებს "უოტფორდისგან" ხოსე ხურადოს სანაცვლოდ. ესპანელი ახალ კლუბთან 4-წლიან კონტრაქტს გააფორმებს და წელიწადში 2.7 მილიონ გირვანქას მიიღებს.
18:54 "ვხედავ მას სხვა კლუბში. ეს შეიძლება იყოს იჯარა ან რაიმე სხვა წინადადება. ამ მომენტისთვის გვყავს აზარი, ვილიანი, ტრაორე, მოზესი და კუადრადო - ხუთი ადამიანი სამ პოზიციაზე. ამდენი მოთამაშე საჭირო არ არის", - განაცხადა ჟოზე მოურინიომ "ჩელსის" ტელეარხის ეთერში, რითაც მიანიშნა, რომ მოჰამედ სალაჰს ლონდონში აღარ ელიან. პორტუგალიელს ასევე არ სჭირდება ორიოლ რომეუ - მას ელოდება იჯარა "ლესტერში".
19:23 "ეინდჰოვენმა" შემადგენლობა შეავსო "ჰერენვეენის" ნახევარმცველით, ალბერტ გუდმუნდსონით. ისლანდიის ნაკრების 18 წლის მოთამაშემ ჰოლანდიის ჩემპიონთან სამწლიანი კონტრაქტი გააფორმა.
19:30 იმ შემთხვევაში, თუ იესპერ სილესენი "მანჩესტერ იუნაიტედში" გადავა სათამაშოდ, ამსტერდამის "აიაქსი" მის სანაცვლოდ მიიწვევს "არსენალის" მეკარეს, ვოიცეხ შჩესნის. ჰოლანდიურმა მხარემ უკვე მიმართა წინადადებით ლონდონელებს პოლონელის იჯარის თაობაზე.
19:58 "დნიპრო" გაძლიერდება ნახევარმცველ ფედერიკო მანკელოთი, - ამბობს არგენტინის "ინდეპენდიენტეს" გენერალური დირექტორი ექტორ მალდონადო. უკრაინული კლუბი 5 მილიონ ევროზე მეტს იხდის ფეხბურთელში.
ყოველდღიური სპორტული გაზეთი "ლელო"
