13:05 Daily Mail-ის ინფორმაციით, ნიკოლას ოტამენდიმ წარმატებით გაიარა "მანჩესტერ სიტიში" სამედიცინო შემოწმება. არგენტინელის ტრანსფერი "ქალაქელებს" 45 მილიონი ევრო დაუჯდათ. კონტრაქტი კი ოთხი წლით არის გაფორმებული. ამასთან, "სიტიდან" "ვალენსიაში" არც ერთი ფეხბურთელი არ მიდის იჯარით.13:34 Sport.es-ის ინფორმაციით, "ბარსელონა" არ შეიძენს ფეხბურთელს პედროს სანაცვლოდ. კატალონიელებმა დაასრულეს მუშაობა სატრანსფერო ბაზარზე.
13:58 უკლუბოდ დარჩენილ დიმიტარ ბერბატოვს კონტრაქტი შესთავაზა "სამპდორიამ". ეს არის Football Italia-ს ინფორმაცია.
14:26 "ინტერის" მფლობელმა ერიკ ტოჰირმა დაადასტურა, რომ "ნერაძურის" სურს ივან პერიშიჩისა და დიეგო პეროტის ყიდვა. მილანელებმა გაზარდეს პერიშიჩისთვის თანხა
14:40 "ბაიერნი" მზადაა, გაუშვას დანტე, - იტყობინება Bild-ი. 31 წლის ბრაზილიელში მიუნხენელებს 9 მილიონი ევრო უნდათ. მცველით უკვე დაინტერესდნენ "ლევერკუზენი" და "ევერტონი".
14:45 "ნაპოლის" არ უნდა დრის მერტენსის გაშვება, რომლითაც "ვოლფსბურგია" დაინტერესებული. "მგლების" მიერ შეთავაზებულმა 30 მილიონმა არ გაჭრა.
14:51 "ატლეტიკოს" მცველი გილერმე სიკეირა "პორტუს" აინტერესებს და ესპანური კლუბიც წინააღმდეგი არ არის ფეხბურთელის გაშვების.
15:21 "სანდერლენდმა" "ნაპოლის" ოფიციალური წინადადებით მიმართა ჯონათან დე გუზმანის ტრანსფერზე. იტალიურ კლუბს 4-5 მილიონი ევროს მიღება სურს.
15:27 "ვესტ ჰემის" მთავარი მწვრთნელი სლავენ ბილიჩი დარწმუნებულია, რომ ტრავმის მიუხედავად, ალექს სონგი გაივლის ლონდონურ კლუბში სამედიცინო შემოწმებას.
15:37 Metro-ს ინფორმაციით, პედროს ტრანსფერით ვილიანი დაზარალდება. ბრაზილიელი უკვე შესთავაზეს "ბაიერნსა" და პსჟ-ს.
15:46 Daily Mail-ი ამტკიცებს, რომ ბრანისლავ ივანოვიჩის თამაშში ჩავარდნის მიუხედავად, "ჩელსი" სერბს ახალ კონტრაქტს შესთავაზებს.
15:55 ანსალდი სერიოზულად არის განწყობილი "ზენიტის" დასატოვებლად. როგორც Rceord-ი წერს, კრისტიანი მზადაა, "ბენფიკაში" ნაკლებ ხელფასზე ითამაშოს.
16:00 "ევერტონი" მოელაპარაკა "რივერ პლეიტს" რამირო ფუნეს მორის ტრანსფერზე. ლივერპულელები არგენტინელ მცველში 7 მილიონ ევროს გადაიხდიან.
16:11 "რომამ" მორიგი იჯარის შესახებ გამოაცხადა - უკვე მეშვიდე - ამ ზაფხულს. რომაულ კლუბში ითამაშებს "კატანიას" მცველი გიომბერ ნორბერტი.
17:37 La Gazzetta dello Sport-ი იტყობინება, რომ "რეალი" და "იუვენტუსი" შეხვდნენ ერთმანეთს, რათა მოილაპარაკონ ასიერ ილიარამენდის ტრანსფერზე.
18:02 ლეანდრო ბაკუნამ ახალი ხუთწლიანი კონტრაქტი გააფორმა "ასტონ ვილასთან".
18:16 ვინსენტე იბორამ კიდევ ორი წლით გაახანგრძლივა კონტრაქტი "სევილიასთან" და კლუბში 2020 წლის ზაფხულამდე დარჩება.
18:45 ინგლისურ პრესაში დაიწერა, რომ "რეალი" დათანხმდა "არსენალში" ქარიმ ბენზემას გაყიდვას.
18:50 "ვესტ ჰემმა" 5 მილიონი ევრო შესთავაზა "გალათასარაის" ფორვარდ ბურაქ ილმაზის სანაცვლოდ.
18:58 "შახტარის" ყოფილი მცველი რაზვან რაცი "რაიო ვალეკანოში" დაბრუნდა პაოკ-ში წარუმატებელი სეზონის შემდეგ.
19:12 "აუგსბურგმა" სწრაფად იპოვა რაჰმან ბაბას შემცვლელი. გერმანული კლუბის შემადგენლობა შეავსო ბერძენმა კონსტანტინოს სტაფილიდისმა, რომელზეც უფლებები "ლევერკუზენს" გააჩნდა. კონტრაქტი ორწლიანია.
19:16 Gazzetta dello Sport-ის ინფორმაციით, ხავიერ მასკერანომ აგენტს იტალიაში ახალი კლუბის მოძებნა დაავალა. "ბარსელონას" არგენტინელს აპენინებზე სურს კარიერის დასრულება.
"ხავიერს სურს, რაღაც მოიგოს იტალიაში. ეს არ არის ფულის საკითხი, რადგან მასკერანომ უკვე უარყო წინადადებები ინგლისიდან და საფრანგეთიდან. მას შესანიშნავი ურთიერთობა აქვს "ბარსელონასთან", რომელიც ხელს არ შეუშლის წასვლაში", - განაცხადა მასკერანოს აგენტმა.
19:38 იუტო ნაგატომომ ორი წინადადება მიიღო გენუიდან. იაპონელმა იფიქრა და უარი უთხრა "სამპდორიას, მაგრამ, როგორც ჩანს, მიიღო "ჯენოას" ვარიანტი. ეს არის იჯარა სეზონის ბოლოს გამოსყიდვის უფლებით.
19:42 "დეპორტივომ" გამოაცხადა ხონათან როდრიგესის იჯარის შესახებ "ბენფიკადან". ხელშეკრულება სეზონის ბოლომდეა ძალაში.
19:48 Daily EXpress-ი წერს, რომ "მანჩესტერ იუნაიტედში" დარჩენის სურვილის მიუხედავად, იანუზაი, შესაძლოა, იჯარით წავიდეს "საუთჰემპტონში" ან "დორტმუნდში".
19:52 "ქუინზ პარკმა" გამოაცხადა "ჰადერსფილდის" მეკარის, ალექს სმიტისის ტრანსფერის შესახებ.
19:56 Footmercato-ს ინფორმაციით, "მარსელს" სურს საფრანგეთში დააბრუნოს იუნეს ბელანდა. კლუბი უკვე შეხვდა მოთამაშის აგენტს და განიხილა კომპენსაცია, რომელსაც კიევის "დინამო" მოითხოვს.
20:07 "მონაკომ" უარი უთხრა "პარი სენ-ჟერმენს" ლევენ კურზავას გაყიდვაზე. მონაკოელებს არ მოეწონათ 18 მილიონი ევრო. მათ 25 მილიონი სურთ.
20:10 სხვათა შორის, პსჟ-მ უკვე მიმართა კონკრეტული წინადადებით თავად ფეხბურთელს. კურზავას წელიწადში 6 მილიონ ევროს დაჰპირდნენ.
20:16 "რეალმა" ოფიციალურად გამოაცხადა მარკო ასენსიოს იჯარაზე "ესპანიოლში". გარიგების ერთ-ერთი პირობა ასეთია - თუ ასენსიო პრიმერაში მინიმუმ 30 მატჩს ჩაატარებს, "ესპანიოლს" არ მოუწევს იჯარის თანხის გადახდა.
20:25 "კრისტალ პალასის" მთავარი მწვრთნელი ალან პერდიუ ხელს არ შეუშლის იანიკ ბოლაზის სხვაგან გადასვლაში. ამ ფეხბურთელის ბედს "ტოტენჰემს" უკავშირებენ.
20:43 "სუონსი" ეძებს ახალ კლუბს ფორვარდ მიჩუსთვის. Sky Sport-ის ინფორმაციით, ესპანელს გამოუჩნდა "სელტიკის" ვარიანტი.
20:48 The Telegraph-ის ინფორმაციით, "ვესტ ჰემმა" უარი თქვა ემანუელ ადებაიორის შეძენაზე.
20:51 "მილანმა" ვერ შეიძინა რობერტო სორიანო და ისევ მიუბრუნდება ვიტსელის ვარიანტს, - წერს Sport Mediaset-ი.
20:54 39 წლის ტომას სორენსენმა ორწლიანი კონტრაქტი გააფორმა "მელბურნ სიტისთან".
20:59 ჯენარო გატუზო იტალიის მესამე დივიზიონში მოთამაშე "პიზას" მთავარი მწვრთნელი გახდა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
