საქართველოს 20-წლამდელთა ნაკრები ევროპის ჩემპიონატზე მიემგზავრება. კონტინენტის პირველობის B დივიზიონს რუმინეთის ქალაქი ორადეა 14-23 ივლისს უმასპინძლებს.
ტურნირის მონაწილე 21 გუნდი 4 ქვეჯგუფშია გადანაწილებული, ხოლო საბოლოოდ I, II და III ადგილებზე გასული გუნდები მომავალი წლისთვის ელიტარულ - A დივიზიონში ასპარეზობის უფლებას მოიპოვებენ.
საქართველოს ნაკრების მეტოქეები ჯგუფში იქნებიან: მაკედონია, მალტა, ალბანეთი და რუმინეთი. ჯგუფებიდან 2-2 საუკეთესო გავა და პლეი ოფში ბრძოლას მეოთხედფინალიდან გააგრძელებენ.
საქართველოს ნაკრების კალენდარი შემდეგნაირად გამოიყურება:
14 ივლისი
საქართველო-რუმინეთი 19:30
15 ივლისი
მალტა-საქართველო 15:00
16 ივლისი
საქართველო-მაკედონია 17:15
18 ივლისი
საქართველოს ნაკრებმა შეკრება თბილისში გაიარა, ხოლო 6-9 ივლისს სომხეთში იმყოფებოდა და ამ ქვეყნისა და ყაზახეთის 20-წლამდელთა ნაკრებებთან სპარინგ-მატჩები გამართა.
ედიკას დროა ...