მიხეილ ბერუაშვილის მიერ გაწვრთნილმა 18-წლამდელთა ნაკრები უკრაინის ჭაბუკთა გუნდთან საწყისი 2 მარცხის შემდეგ მესამე შეხვედრაში გამარჯვებასთან ახლოს იყო, თუმცა ბოლო წუთზე მასპინძლებმა უკეთ ითამაშეს და 74:71 გაიმარჯვეს.ქუთაისელ გიორგი ცირეკიძეზე უკრაინის კალათბურთის ფედერაციის ვებ-გვერდმა დაწერა: "ქართველების მწვრთნელმა მიხეილ ბერუაშვილმა უკრაინელ ვიზავის ცირეკიძის სახით სიურპრიზი მოუმზადა, რომელმაც წინა მატჩი საერთოდ გამოტოვა, ხოლო პირველ შეხვედრაში გამორჩეული არ ყოფილა. ცირეკიძემ ქართველების მთლიანად მოპოვებული ქულების მესამედზე მეტი ჩააგდო - 25 ქულითა და შეტევაში მოპოვებული 5 მოხსნით მან დიდი პრობლემები შეუქმნა უკრაინელებს. სანამ გიორგი მოედანზე
ცირეკიძე კვლავ დაბრუნდა მოედანზე, ამასობაში ირაკლი მიქელაძეც ამოქმედდა, ფოთელმა დებიუტანტმა, კახა ჯინჭარაძემაც შეაშველა ჩვენებს ხელი და ქართველებმა ბოლო წუთებზე ჩამორჩენა 2 ქულამდე შეამცირეს. გადამწყვეტ მომენტში უკრაინელებს გაუმართლათ. მათმა ლიდერმა ანატოლი შუნდელმა საჭირო ბურთები ჩააგდო და საბოლოოდ მასპინძლებმა 3 ქულის სხვაობით იმარჯვეს.
საქართველოს ნაკრებმა ამით დაასრულა უკრაინული ტურნე და საქართველოში გამობრუნდა. ბერუაშვილის ნაკრები ევროპის ჩემპიონატის შესარჩევი ტურნირისთვის მომზადებას თბილისში გააგრძელებს.
უკრაინელებზე დაყრდნობით დავწერეთ, რომ საქართველოს ჭაბუკთა ნაკრებს მეორე მატჩში გამთამაშებელი ირაკლი მიქელაძე დაუშავდა, თუმცა ეს მცდარი ინფორმაცია აღმოჩნდა: როგორც კიევიდან დაბრუნებულმა მწვრთნელთა კონსულტანტმა გელა წულაძემ გვითხრა, მიქელაძეს ტრავმა არ მიუღია, დაშავდა ილია ჯიშიაშვილი, რომელმაც კუნთი დაიზიანა. თუმცა ტრავმა სერიოზული არ არის.
უკრაინა-საქართველო 74:71
19:17, 18:15, 21:17, 16:22
უკრაინა: შუნდელი (19ქ, 5მ, 3პ), სმირნოვი (14), არტამონოვი (10)
საქართველო: ცირეკიძე (25ქ, 7მ, 3ჩ), მიქელაძე (11ქ, 7მ, 5პ, 5ჩ), ჯინჭარაძე (10ქ, 4მ), ნადირაძე (7ქ, 5მ)
ყოველდღიური სპორტული გაზეთი "ლელო"
